2016ல் ரஜினி பாஜகவின் முதல்வர் வேட்பாளரா?: தமிழிசை சவுந்தர்ராஜன் மறுப்பு

சென்னை: 2016 ஆம் தமிழக சட்டமன்ற தேர்தலுக்கு ரஜினியை பாஜகவின் முதல்வர் வேட்பாளராக அறிவிக்க உள்ளதாக வெளியான செய்தி அதிகாரப்பூர்வமற்றது என்று தமிழக பாஜக தலைவர் தமிழிசை சவுந்தரராஜன் தெரிவித்துள்ளார். அதேசமயம் ரஜினிகாந்தை பாஜக-வில் இணைய வரவேற்கிறோம் என்றும் அவர் கூறியுள்ளார்.

பாஜக-வின் தமிழக தலைவராக நியமிக்கப்பட்ட பிறகு முதன்முறையாக கட்சியின் தேசியத் தலைவர் அமித் ஷாவைச் சந்திக்க தமிழிசை சவுந்தரராஜன் டெல்லி சென்றுள்ளார். அங்கே செய்தியாளர்களிடம் அவர் பேசினார்.