பெண் எழுத்தாளருக்கு விருது

தாராபுரத்தைச் சேர்ந்த பெண் எழுத்தாளர் பா.செளதாமினி, சிறந்த பெண் எழுத்தாளருக்கான விருது பெற்றுள்ளார்.

திருப்பூர் மத்திய அரிமா சங்கத்தின் சார்பில் ஞாயிற்றுக்கிழமை நடைபெற்ற விழாவில், "எந்த செயலிலும் வெற்றி பெறுவது எப்படி' என்ற நூலை எழுதிய தாராபுரத்தைச் சேர்ந்த பெண் எழுத்தாளர் பா.சௌதாமினிக்கு ஜீவானந்தம் விருது வழங்கப்பட்டது.

எழுத்தாளர் சௌதாமினி, அவரது கணவர் பாலதண்டபாணி ஆகிய இருவரும் தாராபுரம் அரசு மேல்நிலைப் பள்ளியில் ஆசிரியர்களாகப் பணியாற்றி ஓய்வு பெற்றவர்கள் என்பது குறிப்பிடத்தக்கது