தூத்துக்குடியில் விபசாரம் செய்த 3பேர் கைது

தூத்துக்குடியில் குடியிருப்பு பகுதியில் விபசாரம் நடத்தியதாக 3பேரை போலீசார் கைது செய்துள்ளனர்.

தூத்துக்குடி கால்டுவெல் காலனி பகுதியில் விபசாரம் நடைபெறுவதாக தென்பாகம் போலீசாருக்கு ரகசிய தகவல் கிடைத்தது. இதையடுத்து சப்- இன்ஸ்பெக்டர் ராமகிருஷ்ணன் மற்றும் போலீசார் அந்த பகுதியில் திடீர் சோதனை நடத்தினர். அப்போது கால்டுவெல் காலனி குடியிருப்பு பகுதியில் உள்ள ஒரு வீட்டில் விபசார கும்பல் இருந்தது தெரியவந்தது. 

அந்த வீட்டிற்குள் அதிரடியாக புகுந்த போலீசார் அங்கிருந்த விபசார புரோக்கர் நாராயணமூர்த்தி என்பரை கைது செய்தனர். மேலும் விபசார அழகியான கிருஷ்ணகிரி மாவட்டம் சூளகிரியை சேர்ந்த அஞ்சம்மாள் (45), விபசார கும்பலுக்கு உதவிய வீட்டு உரிமையாளர் முருகலட்சுமி (46) ஆகியோரும் கைது செய்யப்பட்டனர்.