கம்ப்யூட்டர் நிறுவனங்கள் முன்பு கார்களில் விபசாரம் துணை நடிகை உள்பட 3 பேர் கைது

சென்னையில் கம்ப்யூட்டர் நிறுவனங்கள் முன்பு சொகுசு கார்களை நிறுத்தி விபசாரத்தில் ஈடுபட்ட அழகிகள் மீட்கப்பட்டனர். அவர்களை விபசாரத்தில் ஈடுபடுத்திய டி.வி. நடிகை உள்ளிட்ட 3 பேர் கைது செய்யப்பட்டனர்.

கார்களில் விபசாரம்

சென்னையில் கம்ப்யூட்டர் நிறுவனங்கள் முன்பு, சொகுசு கார்களை நிறுத்தி, அதற்குள் அழகிகளை உட்கார வைத்து, விபசாரம் நடப்பதாக விபசார தடுப்பு போலீசாருக்கு, நிறைய புகார்கள் வந்தன. இதுதொடர்பாக உரிய நடவடிக்கை எடுக்க கமிஷனர் ஜார்ஜ் உத்தரவிட்டார்.

கூடுதல் கமிஷனர் நல்லசிவம், துணை கமிஷனர் ஜெயக்குமார், உதவி கமிஷனர் கணபதி ஆகியோர் மேற்பார்வையில், இன்ஸ்பெக்டர்கள் சபாபதி, நடராஜன் ஆகியோர் தலைமையிலான தனிப்படை போலீசார், சென்னை ஈ.சி.ஆர்., ஓ.எம்.ஆர். சாலைகளில் உள்ள கம்ப்யூட்டர் நிறுவனங்கள் முன்பு கண்காணிப்பில் ஈடுபட்டனர். அழகிகளை காருக்குள் வைத்து விபசாரம் நடத்தியதாக 3 தரகர்கள் கைது செய்யப்பட்டனர்.

துணை நடிகை

கைதானவர்களில் ஒருவர் பெயர் ஷீலா (30). இன்னொருவர் அவரது கூட்டாளி கோபி (30). கார்த்திக் என்ற தரகரும் கைதானார். ஷீலா சினிமாவில் துணை நடிகை வேடங்களில் நடித்துள்ளார். டி.வி. சீரியலிலும் நடித்து வருகிறார்.

இவர்களிடம் இருந்து 3 சொகுசு கார்கள் பறிமுதல் செய்யப்பட்டன. இவர்களால் விபசாரத்தில் தள்ளப்பட்ட 7 அழகிகளும் மீட்கப்பட்டனர்.