மான்செஸ்டரில் தொடங்கும் 4வது டெஸ்ட் போட்டியில் இந்தியா டாஸ் வென்று முதலில் பேட் செய்ய முடிவெடுத்துள்ளது.

இந்திய அணியில் அதிரடி மாற்றங்கள் செய்யப்பட்டுள்ளது. ஷிகர் தவனுக்கு பதிலாக கம்பீரும், ரோகித் சர்மாவுக்கு பதிலாக அஸ்வினும், மொகமது ஷமிக்கு பதிலாக வருண் ஆரோனும் அணியில் சேர்க்கப்பட்டுள்ளனர்.

பங்கஜ் சிங்கிற்கு மீண்டும் ஒரு வாய்ப்பு அளிக்கப்பட்டுள்ளது. இரண்டு ஸ்பின்னர்கள் இந்திய அணியில் இடம்பெற்றுள்ளனர்.

இந்தியாவுக்கு வெளியே அஸ்வின் 4 போட்டிகளில் 9 விக்கெட்டுகளைக் கைப்பற்றியுள்ளார். சராசரி 75 ரன்கள். இந்த மோசமான நிலையை அஸ்வின் சீர் செய்வார் என்று எதிர்பார்க்கப் படுகிறது.

இங்கிலாந்து அணியில் மாற்றமில்லை.

இந்திய அணி: கம்பீர், முரளி விஜய், புஜாரா, கோலி, ரஹானே, தோனி, ஜடேஜா, அஸ்வின், புவனேஷ் குமார், பங்கஜ் சிங், வருண் ஆரோன்

இங்கிலாந்து அணி: குக், ராப்சன், கேரி பேலன்ஸ், இயன் பெல், ஜோ ரூட், மொயீன் அலி, பட்லர், வோக்ஸ், பிராட், ஆண்டர்சன், கிறிஸ் ஜோர்டான்