மதுரையில் பரபரப்பு :மூமுக நிறுவனர் சேதுராமன் வீடு, மருத்துவமனைகளில் ரெய்டு!

மூவேந்தர் முன்னணி கழக நிறுவனர் சேதுராமனின் வீடு, மருத்துவமனைகளில் வருமான வரித்துறையினர் சோதனையில் ஈடுபட்டுள்ளது பரபரப்பை ஏற்படுத்தியுள்ளது.மதுரை மாவட்டம், உத்தங்குடியில் உள்ள மூவேந்தர் முன்னணி கழக நிறுவனரும், மதுரை மீனாட்சி மிஷன் மருத்துவமனை சேர்மனுமான டாக்டர் சேதுராமனின் வீடு, மதுரையில் உள்ள மீனாட்சி மிஷன் மருத்துவமனை, தஞ்சாவூரில் உள்ள மருத்துவமனைகளில் இன்று காலையில் இருந்து வருமான வரித்துறையினர் சோதனை நடத்தி வருகிறார்கள்.அவர் குடும்பத்தினருக்கும், அவருக்குமிடையே நடந்து வரும் சொத்து பிரச்னையின் விளைவாக இந்த சோதனை நடந்து வருவதாக கூறப்படுகிறது.