பல்லடம் அருகே அடையாளம் தெரியாத ஆண் பிணம்

காமநாயக்கன்பாளையத்தில் இருந்து கரடிவாவி செல்லும் சாலையில் புளியம்பட்டி பிரிவு உள்ளது. இங்கு நேற்று காலை சுமார் 45 வயது மதிக்கத்தக்க ஆண் பிணம் ஒன்று கிடந்தது. இதுகுறித்து காமநாயக்கன்பாளையம் போலீசாருக்கு தகவல் கிடைத்தது. சம்பவ இடத்திற்கு சென்ற போலீசார் உடலை கைப்பற்றி பிரேத பரிசோதனைக்காக பல்லடம் அரசு ஆஸ்பத்திரிக்கு அனுப்பி வைத்தனர். மேலும் இது குறித்து வழக்கு பதிவு செய்து பிணமாக கிடந்தது யார்? எந்த ஊரை சேர்ந்தவர்? என்பது குறித்தும், இறந்ததற்கான காரணம் குறித்தும் தீவிர விசாரணை நடத்தி வருகிறார்கள்.