இந்திய கம்யூனிஸ்டு கட்சி தீர்மானம்: ரெயில்வே பாலம் கட்டும் பணியை துரிதப்படுத்த கோரிக்கை

திருப்பூர் இந்திய கம்யூனிஸ்டு கட்சியின் கிழக்கு வட்டார நிர்வாகிகள் கூட்டம் ஊத்துக்குளி ரோட்டில் உள்ள சங்க அலுவலகத்தில் நேற்று நடந்தது. கூட்டத்துக்கு நிர்வாகிகள் மோகன், தமிழ்செல்வி, மகேந்திரன் ஆகியோர் தலைமை தாங்கினார்கள். மாநில குழு உறுப்பினர்கள் காளியப்பன், பழனிசாமி ஆகியோர் முன்னிலை வகித்தனர்.

கூட்டத்தில் திருப்பூர் மாநகரில் ரெயில்வே பாலங்கள் கட்டும் பணியை போர்க்கால அடிப்படையில் துரிதப்படுத்த வேண்டும். திருப்பூர் மாநகராட்சியில் தேவையான துப்புறவு பணியாளர்களை நியமித்து துப்புரவு பணியை மேற்கொள்ள வேண்டும். குடிநீர் வினியோகத்தை சீராக்க வேண்டும். திருப்பூர் மேற்கு பதி மற்றும் தொரவலூர் ஊராட்சிகளுக்கு இடையே 100 ஏக்கர் பரப்பளவில் பல ஆண்டுகளாக தூர்ந்து கிடக்கும் குளத்தை தூர்வார வேண்டும் என்பது உள்பட பல்வேறு தீர்மானங்கள் நிறைவேற்றப்பட்டன.