நாகமலைப்புதுக்கோட்டை அருகே விஷம் குடித்து வாலிபர் தற்கொலை

மதுரை எல்லீஸ்நகர் பகுதியை சேர்ந்தவர் சுப்பிரமணி. இவரது மகன் முருகேஷ் (வயது39). இவர் அச்சம்பத்து அருகே உள்ள ஆர்.வி.நகரில் விஷம் குடித்த நிலையில் சாலையில் மயங்கி கிடந்துள்ளார்.
இதனை பார்த்த அக்கம் பக்கத்தினர் உடனடியாக 108 ஆம்புலன்சுக்கு தகவல் கொடுத்தனர். அவர்கள் விரைந்து வந்து, முருகேஷ் உடலை மீட்டு சிகிச்சைக்காக மதுரை அரசு ஆஸ்பத்திரியில் சேர்த்தனர்.
அங்கு தீவிர சிகிச்சை அளித்தும் பலனின்றி அவர் பரிதாபமாக இறந்தார். இது குறித்து நாகமலைப்புதுக்கோட்டை போலீசார் வழக்குப்பதிவு செய்து விசாரணை நடத்தினர். முருகேசின் மனைவி திருமணமான 3 மாதத்தில் பிரிந்து சென்றது விசாரணையில் தெரிய வந்துள்ளது. இதனால் அவர் தற்கொலை செய்தாரா? அல்லது வேறு ஏதும் காரணமா? என போலீசார் விசாரணை நடத்தி வருகின்றன