மதுரையில் 10–ம் வகுப்பு மாணவி தீக்குளித்து தற்கொலை

மதுரை பாசிங்காபுரத்தைச் சேர்ந்தவர் முருகன். இவரது மகள் காயத்ரி (வயது 15) 10–ம் வகுப்பு படித்து வந்தார்.
இவர், கடந்த சில நாட்களாக தைராய்டு நோயால் பாதிக்கப்பட்டு வந்ததாக கூறப்படுகிறது. இதற்காக பல இடங்களில் சிகிச்சை பெற்றபோதும், பலன் அளிக்கவில்லை எனக்கூறப்படுகிறது.
இதனால் மனவேதனை அடைந்த காயத்ரி, வாழ்க்கையில் வெறுப்பு அடைந்து வீட்டில் யாரும் இல்லாத நேரத்தில் தீக்குளித்தார். இதில் உடல் கருகிய அவரை, சிகிச்சைக்காக உறவினர்கள் அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி அவர் பரிதாபமாக இறந்தார்.
இதுகுறித்து கூடல்புதூர் போலீசார் வழக்குப் பதிவு செய்து விசாரணை நடத்தி வருகின்றனர்.