ஈரோடு, அம்மன் கலைகல்லூரியில் உலக புகைப்பட தினவிழா

சித்தோடு ஸ்ரீ அம்மன் கலை மற்றும் அறிவியல் கல்லூரி விசுவல் கம்யூனிகேசன் துறை சார்பில் உலக புகைப்பட தினம், கொண்டாப்பட்டது.

விழாவின் ஒரு பகுதியாக அப்ஸ்குரா புகைப்படக் கண்காட்சி நடைபெற்றது. விழாவிற்கு கல்லூரித் தாளாளர் டி.ஜெயலட்சுமி தலைமை வகித்தார். நிர்வாக இயக்குனர் டி.பாலகுமார், புகைப்படக் கண்காட்சியை திறந்து வைத்தார்.

புகைப்படங்களை பார்வையிட்ட பின்னர் அவர் பேசும்போது, மாணவர்களின் புகைப்பட ஆர்வம் மற்றும் படைப்புத்திறன் ஆகியவற்றை பாராட்டினார். இக்கண்காட்சியில் பல வண்ணப்பூக்கள், இயற்கை காட்சிகள், விலங்குகள், மோக்ரோ புகைப்படங்கள், வாழ்க்கை முறைகள், முகபாவங்கள் மற்றும் உணர்ச்சிகளின், பிரதிபலிப்பு, செய்திப்புகைப்படங்கள், கட்டிடக்கலை, சில்ஹவுட், உள் அரங்கப்புகைப்படங்கள் மற்றும் பல்வேறு வகைகளில் புகைப்படங்கள் காட்சிக்கு வைக்கப்பட்டிருந்தன.

இக்கண்காட்சியை கல்லூரியின் பல்வேறு துறை மாணவர்கள் மற்றும் பேராசியர்கள் பார்வையிட்டு பாராட்டினர்.

விழாவிற்கான ஏற்பாட்டை விசுவல் கம்யூனிகேசன் துறை மாணவர்கள் மற்றும் பேராசியர்கள் செய்திருந்தனர்.