வெள்ளக்கோவில் அருகே ஆஸ்பெஸ்டாஸ் கூரை அமைக்கும் பணியில் ஈடுபட்ட தொழிலாளி சாவு

திருப்பூர் மாவட்டம் மூலனூர் அருகேயுள்ள நத்தப்பாளையத்தை சேர்ந்தவர் செல்வராஜ்(வயது 50). இவர் வெள்ளக்கோவில் அருகே கெங்கநாயக்கன்வலசில் உள்ள ஒரு தோட்டத்தில் ஆஸ்பெஸ்டாஸ் கூரை அமைக்கும் பணியில் ஈடுபட்டார்.

அப்போது ஸ்டூலில் இருந்து எதிர்பாராதவிதமாக தவறி விழுந்து விட்டார். படுகாயமடைந்த அவரை காங்கயம் அரசு ஆஸ்பத்திரிக்கு கொண்டு சென்றனர். செல்லும் வழியிலேயே அவர் பரிதாபமாக இறந்தார்.

சம்பவம் குறித்து வெள்ளக்கோவில் போலீசார் வழக்கு பதிவு செய்து விசாரித்து வருகிறார்கள்.