கோவையில் மார்க்சிஸ்ட் கம்யூனிஸ்டு பிரமுகர் விபத்தில் பலி

கோவை செல்வபுரம் ஹவுசிங் யூனிட் பகுதியை சேர்ந்தவர் முனியப்பன்(வயது 63). இவர் கோவை மேற்கு பகுதி மார்க்சிஸ்ட் கம்யூனிஸ்டு கட்சியின் செயற்குழு உறுப்பினராக பணியாற்றி வந்தார். சம்பவத்தன்று சுங்கம் பைபாஸ் சாலையில் மோட்டார் சைக்கிளில் சென்று கொண்டிருந்தார்.எதிர்பாராதவிதமாக விபத்தில் சிக்கினார்.

படுகாயமடைந்த அவரை கோவையில் உள்ள தனியார் ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டது. பின்னர் மேல் சிகிச்சைக்காக கோவை அரசு ஆஸ்பத்திரியில் சேர்த்தனர்.

அங்கு சிகிச்சை பலனின்றி இன்று காலை முனியப்பன் பரிதாபமாக இறந்தார். முனியப்பன் கடந்த 1973–ம் ஆண்டு மூட்டை தூக்கும் தொழிலாளர்களுக்காக மார்க்சிஸ்ட் கம்யூனிஸ்டு கட்சியின் தொழிற்சங்கத்தை தொடங்கியவர் ஆவார். இவர் மாவட்ட குழு உறுப்பினராகவும் பணியாற்றி உள்ளார்.