அரசு பள்ளிக்குள் புகுந்து லேப்டாப்–கம்ப்யூட்டர்கள் திருட்டு

கோவையை அடுத்த தடாகத்தில் அரசு ஆண்கள் மேல்நிலைப்பள்ளி உள்ளது. வகுப்பு முடிந்ததும் பள்ளியை பூட்டி விட்டுச் சென்றனர். மறுநாள் காலையில் வந்து பார்த்தபோது தலைமை ஆசிரியர் அறைக்கதவின் பூட்டு திறந்து கிடந்தது.

உள்ளே சென்று பார்த்த போது அங்கிருந்த 2 லேப் டாப்கள், 2 கம்ப்யூட்டர்களை காணவில்லை. நள்ளிரவில் யாரோ பள்ளிக்குள் புகுந்து பூட்டை லாவகமாக திறந்து கம்ப்யூட்டர் மற்றும் லேப் டாப்களை திருடிச்சென்றது தெரியவந்துள்ளது. இந்த துணிகர திருட்டு குறித்து பள்ளியின் தலைமை ஆசிரியர் துடியலூர் போலீசில் புகார் செய்தார். போலீசார் வழக்கு பதிவு செய்து விசாரித்து வருகிறார்கள்.

திருட்டு போன 2 லேப்டாப்கள் மாணவர்களுக்கு வழங்குவதற்காக வைக்கப்பட்டிருந்தது விசாரணையில் தெரிய வந்துள்ளது.