ஊர்க்காவல் படை தளபதி பதவி: பெண்கள் விண்ணப்பிக்கலாம்

திருப்பூர் மண்டல ஊர்க்காவல் படை துணை மண்டலத் தளபதி பதவிக்கு பெண்கள் விண்ணப்பிக்கலாம்.

இதுகுறித்து திருப்பூர் மாவட்ட காவல் கண்காணிப்பாளர் அமித்குமார் சிங் வெளியிட்டுள்ள செய்தி:

திருப்பூர் மாவட்ட ஊர்க்காவல் படையில் காலியாக உள்ள துணை மண்டல தளபதி பதவிக்கு, விருப்பமுள்ள பெண்கள் விண்ணப்பிக்கலாம். 18 முதல் 50 வயதுக்கு உள்பட்டவராக இருக்க வேண்டும். தகுதி உடையவர்கள் தங்களைப் பற்றிய சுயகுறிப்பு, அனுபவம், பொதுப்பணி ஈடுபாடு உள்ளிட்ட விவரங்களுடன் திருப்பூர் மாவட்ட காவல் கண்காணிப்பாளரை திங்கள்கிழமை (மார்ச் 16) முதல் 27-ஆம் தேதி வரை காலை 11 மணி முதல் மதியம் 2 மணி வரை நேரில் சந்தித்து, விண்ணப்பிக்கலாம் என தெரிவிக்கப்பட்டுள்ளது