கர்நாடகாவில் இருந்து கேரளாவுக்கு கொண்டு சென்ற எருமை மாடுகள் பறிமுதல்

கர்நாடக மாநிலம் மாண்டியாவில் இருந்து கேரளாவுக்கு ஒரு மினி வேனில் 21 எருமை மாடுகள் கொண்டு செல்லப்பட்டது. இந்த வேனை நசீம் என்பவர் ஓட்டி வந்தார். வேன் நள்ளிரவு 1 மணியளவில் கோவை–கணபதி சத்தி ரோட்டில் வந்து கொண்டு இருந்தது.

அப்போது இதைப்பார்த்த சிலர் வேனை மடக்கிப்பிடித்து சரவணம்பட்டி போலீசுக்கு தகவல் கொடுத்தனர். போலீசார் விரைந்து வந்து மாடுகளை மீட்டு நரசிபுரத்தில் உள்ள கோசாலையில் ஒப்படைத்தனர். டிரைவர் நசீமிடம் விசாரணை நடத்தி வருகிறார்கள்.