முத்தூர் அருகே பட்டியில் அடைக்கப்பட்டு இருந்த 60 ஆடுகள் திருட்டு

முத்தூர், செப்.13–

முத்தூர் அருகே வீரசோழபுரம் பகுதியை சேர்ந்தவர் ஈஸ்வரன் (வயது 44). இவர் தனது தோட்டம் அருகே பட்டி அமைத்து ஆடுகளை வளர்த்து வந்தார்.

சம்பவத்தன்று ஈஸ்வரன், தனது ஆடுகளை பட்டியில் அடைத்து வைத்திருந்தார்.

அப்போது நள்ளிரவில் மர்ம கும்பல் புகுந்து பட்டியில் இருந்த 41 ஆடுகளை திருடி சென்றனர்.

அதேபோல் ஈஸ்ரவனின் அண்ணனின் ஆடுகள் பட்டியும் அருகே உள்ளது. இந்த பட்டியிலும் மர்ம கும்பல் புகுந்து அங்கிருந்த 19 ஆடுகளை திருடி சென்றுவிட்டனர்.

காலையில் ஈஸ்வரன் வந்து பார்த்த போது பட்டியில் ஆடுகள் இல்லாததை கண்டு அதிர்ச்சி அடைந்தார்.

பின்னர் இந்த திருட்டு சம்பவம் குறித்து வெள்ளக்கோவில் போலீசில் அவர் புகார் செய்தார். அதன்பேரில் போலீசார் வழக்கு பதிவு செய்து ஆடுகளை திருடி சென்ற மர்ம கும்பலை தேடி வருகிறார்கள்.

திருடு போன 60 ஆடுகளின் மதிப்பு ரூ.1 லட்சத்து 80 ஆயிரம் என கூறப்படுகிறது.