திருப்பூர் அருகே விபத்து: தேங்காய் வியாபாரி பலி

வெள்ளகோவில், செப்.13–

திருப்பூர் மாவட்டம் சிவகிரி அருகேயுள்ள அம்மன் கோவில் பகுதியை சேர்ந்தவர் மனோகரன் (வயது 37). தேங்காய் வியாபாரி. இவர் நேற்று மதியம் 12 மணியளவில் தனக்கு சொந்தமான மோட்டார் சைக்கிளில் வெள்ளகோவிலில் இருந்து முத்தூர் நோக்கி சென்று கொண்டிருந்தார்.

முத்தூர் ரோட்டில் சென்ற போது எதிரே வந்த மினி ஆட்டோவும், மனோகரனின் மோட்டார் சைக்கிளும் நேருக்கு நேர் மோதின. இந்த விபத்தில் பலத்த காயமடைந்த மனோகரன் சம்பவ இடத்திலேயே பரிதாபமாக இறந்தார். 

இதுகுறித்து தகவலறிந்ததும் வெள்ளகோவில் போலீசார் சம்பவ இடத்துக்கு விரைந்து வந்து மனோகரனின் உடலை மீட்டு பிரேத பரிசோதனைக்காக காங்கயம் அரசு ஆஸ்பத்திரிக்கு அனுப்பி வைத்தனர். வழக்குப்பதிவு செய்து விசாரணை நடத்தி வருகிறார்கள்.