விபசார வழக்கில் கைதானது நான் அல்ல: ஸ்ரீதிவ்யா அறிக்கை

விபசார வழக்கில் திவ்யாஸ்ரீ என்ற தெலுங்கு நடிகை சமீபத்தில் கைதானார். வீட்டில் வாடிக்கையாளர்களுடன் இருந்தபோது கையும், களவுமாக போலீசார் பிடித்தனர். திவ்யாஸ்ரீயுடன் புரோக்கர்களும் கைதானார்கள். 

கோர்ட்டில் திவ்யாஸ்ரீ ஆஜர்படுத்தப்பட்டு பெண்கள் மறுவாழ்வு இல்லத்துக்கு அனுப்பி வைக்கப்பட்டார். சில தெலுங்கு சேனல்களிலும் இணையதளங்களிலும் திவ்யாஸ்ரீ என குறிப்பிடுவதற்கு பதிலாக ஸ்ரீதிவ்யா என குறிப்பிட்டு தவறான செய்திகள் வெளிவந்தன. அத்துடன் விபச்சாரத்தில் கைதான நடிகை என்று கூறி நடிகை ஸ்ரீதிவ்யா படங்களையும் வெளியிட்டன. 

ஸ்ரீதிவ்யா தமிழில் ‘வருத்தப்படாத வாலிபர் சங்கம்’ படத்தில் சிவகார்த்திகேயனுடன் ஜோடியாக நடித்தார். விஷ்ணு ஜோடியாக ஜீவா படத்திலும், இசையமைப்பாளர் ஜி.வி.பிரகாஷ் ஜோடியாக பென்சில் படத்திலும் நடிக்கிறார். 

விபசாரத்தில் கைதான நடிகை பற்றிய செய்தியில் தனது படங்களை வெளியிட்டதால் ஸ்ரீதிவ்யா அதிர்ச்சி அடைந்தார். அவர் வெளியிட்ட அறிக்கையில், திவ்யாஸ்ரீ என்ற பெயரில் கைதான நடிகையுடன் சிலர் என் பெயரை சேர்த்து உள்ளனர். இணையதளங்களில் எனது படத்தை வெளியிட்டு இருக்கிறார்கள். 

என் பெயர் ஸ்ரீதிவ்யா, கைதான திவ்யாஸ்ரீ நான் அல்ல. தயவுசெய்து தெளிவாக விசாரித்து எழுதுங்கள் என்று குறிப்பிட்டு உள்ளார். ஸ்ரீதிவ்யா தமிழில் முன்னணி நடிகையாக வளர்கிறார். அவர் கைவசம் ஆறுக்கும் மேற்பட்ட படங்கள் உள்ளன.