இந்திய கம்யூனிஸ்ட் கட்சி, மார்க்சிஸ்ட் கம்யூனிஸ்ட் கட்சிகளின் சார்பில் மாநிலம் தழுவிய ஊழல் எதிர்ப்பு இயக்கம் நவம்பர் 1-ம் தேதி முதல் 10-ம் தேதிவரை நடைபெற்றது

அதன் ஒருபகுதியாக ஊத்துக்குளி ஒன்றியத்தில் திங்களன்று மாலை ஊத்துக்குளி ஆர்.எஸ். பேருந்து நிறுத்தம் அருகில் இரு கட்சிகளின் சார்பாக ஊழல் எதிர்ப்பு கருத்தரங்கம் இந்திய கம்யூனிஸ்ட் கட்சி ஒன்றியப் பொருளாளர் கே.கே.குமரன், மார்க்சிஸ்ட் கட்சியின் ஒன்றியக்குழு உறுப்பினர் வி.கே.பழனிசாமி ஆகியோர் தலைமையில் நடைபெற்றது. 

மார்க்சிஸ்ட் கட்சியின் ஈரோடு மாவட்டச்செயற்குழு உறுப்பினர் கே.ஆர்.திருத்தணிகாசலம், இந்திய கம்யூனிஸ்ட் கட்சியின் மாவட்டச் செயலாளர் எம்.ரவி, மார்க்சிஸ்ட் கட்சியின் மாவட்டக்குழு உறுப்பினர்கள் ஆர்.குமார், எஸ்.கே.கொளந்தசாமி, இந்திய கம்யூனிஸ்ட் கட்சியின் ஒன்றியச் செயலாளர் பி.எஸ்.மணி ஆகியோர் சிறப்புரையாற்றினர். இக்கூட்டத்தில் பெண்கள் உட்பட 150-க்கும் மேற்பட்டோர் கலந்து கொண்டனர். மார்க்சிய எழுத்தாளர் அருணன் எழுதிய "ஊழலை ஒழிக்க ஊரைத் திரட்டுவோம்" என்ற துண்டு பிரசுரம் ஆயிரம் எண்ணிக்கை விற்கப்பட்டது.