உரிமம் புதுப்பிக்கப்படாமல் இருந்த நாட்டு துப்பாக்கி பறிமுதல்

அவினாசி போலீசார் நேற்று மாலை அவினாசியை அடுத்துள்ள தண்ணீர் பந்தல் காலனி பகுதியில் ரோந்துப்பணியில் ஈடுபட்டிருந்தனர். அப்போது அங்கு சந்தேகப்படும்படி இருந்த ஒருவரை பிடித்து விசாரித்த போது அவர் தண்ணீர்பந்தல் நரிக்குறவர் காலனி பட்டேல் மகன் ஜெயக்குமார் (வயது40) என்பதும், அவர் உரிமம் புதுப்பிக்கப்படாமல் நாட்டு துப்பாக்கி வைத்திருந்ததும் தெரியவந்தது. மேலும் விசாரணையில் அந்த துப்பாக்கி அவருடைய மாமனார் துளசிங்குவின் துப்பாக்கி எனவும் தெரியவந்தது. அவரிடமிருந்த துப்பாக்கியை போலீசார் பறிமுதல் செய்து வழக்குப்பதிவு செய்து விசாரணை நடத்தி வருகிறார்கள்.