ஓய்வு பெற்ற அலுவலர் சங்கம் சார்பில் பல்வேறு கோரிக்கைகளை வலியுறுத்தி திருப்பூர் குமரன்சிலை முன்பு நேற்று ஆர்ப்பாட்டம்

நடைபெற்றது. சங்கத்தின் மாவட்ட தலைவர் மகாலிங்கம் தலைமை தாங்கினார். மாவட்ட பொருளாளர் நாராயணசுவாமி வரவேற்று பேசினார். மாவட்ட மைய செயலாளர் ரவீந்திரன்நாத் கோரிக்கைகள் குறித்து பேசினார்.

ஓய்வு பெற்ற அலுவலர்களுக்கு குறைந்த பட்ச ஓய்வூதியமாக ரூ.3,500 நிர்ணயம் செய்ய வேண்டும். மாதந்தோறும் மருத்துவபடி ரூ.500 வழங்க வேண்டும். ஓய்வூதியர் ஒப்படைப்பு தொகை 40 சதவீதம் வழங்க வேண்டும். குறைந்தபட்ச பணிக்காலம் 20 ஆண்டாக நிர்ணயம் செய்திட வேண்டும். ஓய்வூதியர் குடும்ப பாதுகாப்பு நிதிதிட்டத்தின் கீழ் ரூ.1½ லட்சம் வழங்க வேண்டும். ஓய்வூதியர் குடும்ப பாதுகாப்பு நிதி உதவி திட்டத்தின் கீழ் தொகை பெற உள்ள கால வரம்பை நீக்க வேண்டும். ஓய்வூதியர்களின் ஈமச்சடங்கிற்கான முன்பணம் ரூ.5 ஆயிரம் வழங்க வேண்டும் என்பன உள்பட பல்வேறு கோரிக்கைகளை வலியுறுத்தி கோஷங்கள் எழுப்பப்பட்டது.

இதில் மாவட்ட துணை தலைவர் வேலுசாமி, அமைப்பு செயலாளர் ஆறுமுகம், பிரச்சார செயலாளர் வெள்ளியங்கிரிநாதன், உடுமலை கிளை தலைவர் தட்சிணாமூர்த்தி உள்பட பலர் கலந்து கொண்டனர். முடிவில் திருப்பூர் மாவட்ட துணை தலைவர் மணி நன்றி கூறினார்