தள்ளுவண்டியில் மோதி ஆட்டோ கவிழ்ந்து விபத்து வியாபாரி படுகாயம்

திருப்பூர் அருகே உள்ள வஞ்சிபாளையத்தில் இருந்து காலேஜ் ரோடு வழியாக ஆட்டோ ஒன்று அதிவேகமாக வந்துகொண்டிருந்தது. அப்போது எதிரே ரோட்டோரம் வியாபாரி ஒருவர் தள்ளிக்கொண்டு வந்த தள்ளுவண்டி மீது அந்த ஆட்டோ பலமாக மோதியது. இதில், தள்ளுவண்டியும், ஆட்டோவும் கவிழ்ந்தது. குடிபோதையில் வந்த ஆட்டோ டிரைவர், தள்ளுவண்டி வியாபாரி ஆகிய இருவரும் தலையில் பலத்த காயமடைந்த நிலையில் ரோட்டில் கிடந்தனர்.
உடனடியாக அக்கம்பக்கத்தினர் அவர்கள் இருவரையும் மீட்டு ஆம்புலன்ஸ் உதவியுடன் திருப்பூர் அரசு ஆஸ்பத்திரிக்கு சிகிச்சைக்காக அனுப்பிவைத்தனர். பலத்த காயமடைந்த தள்ளுவண்டி வியாபாரி தீவிர சிகிச்சைப் பிரிவில் அனுமதிக்கப்பட்டு சிகிச்சை பெற்று வருகிறார். ஆட்டோவில் பயணிகள் யாரும் இல்லாததால், உயிர்சேதம் தவிர்க்கப்பட்டது. இந்த விபத்து குறித்து திருப்பூர் வடக்கு போலீசார் விசாரணை நடத்தி வருகின்றனர்.