பொங்கலூர் அருகே பஸ் மோதி கணவன்–மனைவி சாவு

பொங்கலூர் அருகே உள்ள கழுவேறிபாளையத்தை சேர்ந்தவர் பழனிசாமி(வயது 55). இவருடைய மனைவி பாலாமணி(45). கூலித்தொழிலாளிகளான இருவரும் மொபட்டில் நேற்று இரவு துத்தாரிபாளையத்தில் உள்ள உறவினர் வீட்டுக்கு சென்றுகொண்டிருந்தனர். இரவு 8 மணி அளவில் துத்தாரிபாளையம் பஸ் நிறுத்தம் அருகே சென்றபோது எதிரே திருப்பூரில் இருந்து தாராபுரம் நோக்கி வந்த பனியன் நிறுவன பஸ் எதிர்பாராதவிதமாக மோதியது.

இந்த விபத்தில் பலத்த காயம் அடைந்த பழனிச்சாமி–பாலாமணி இருவரும் சம்பவ இடத்திலேயே பரிதாபமாக உயிரிழந்தனர். இதுகுறித்து தகவல் அறிந்த காமநாயக்கன்பாளையம் போலீசார் சம்பவ இடத்திற்கு வந்து இருவருடைய உடலையும் கைப்பற்றி பிரேத பரிசோதனைக்காக பல்லடம் அரசு ஆஸ்பத்திரிக்கு அனுப்பிவைத்தனர். விபத்து குறித்து காமநாயக்கன்பாளையம் போலீசார் வழக்குப்பதிவு செய்து விசாரணை நடத்தி வருகிறார்கள்.