மதுரை: கடன் தொல்லையில் வாலிபர் தற்கொலை

ஜெய்ஹிந்த்புரம் வீர காளியம்மன் கோவில் தெருவைச் சேர்ந்தவர் முத்துசெல்வம் (வயது 27) இவரது மனைவி கவிதா.
முத்துசெல்வம் அங்குள்ள அப்பள கம்பெனி ஒன்றில் வேலை பார்த்து வந்தார். பின்னர் வேலையில் இருந்து நீக்கப்பட்டார். வேறு வேலை ஏதும் கிடைக்கவில்லை. இதனால் அவர் அக்கம் பக்கத்தினரிடம் கடன் வாங்கி குடும்பம் நடத்தினார்.
கடன் தொகை அதிகமாகி விட்டது. கடன் கொடுத்தவர்கள் பணத்தை திருப்பி கேட்டனர். அவரால் கடன் வாங்கிய பணத்தை கொடுக்க முடியவில்லை. வேலை ஏதும் கிடைக்க வில்லை. இதனால் வாழ்க்கையில் வெறுப்பு அடைந்த அவர் தற்கொலை செய்ய முடிவு செய்தார்.
பின்னர் வீட்டில் மனைவியின் சேலையால் தூக்கு போட்டு தற்கொலை செய்து கொண்டார். இதுகுறித்து ஜெய்ஹிந்த்புரம் போலீசில் கவிதா புகார் செய்தார். அதன் பேரில் போலீசார் வழக்கு பதிவு செய்து பிணத்தை மீட்டனர். பின்னர் பிரேத பரிசோதனைக்காக அரசு ஆஸ்பத்திரிக்கு அனுப்பி வைத்து விசாரணை நடத்தி வருகிறார்கள்.