ஓட்டுநர்களுக்கு இலவச கண் பரிசோதனை முகாம்

26- ஆவது சாலைப் பாதுகாப்பு வார விழா ஜனவரி 11-ஆம் தேதி தொடங்கி புதன்கிழமை (ஜனவரி 21) வரை நடைபெறுகிறது. இதையொட்டி, திருப்பூர் பழைய பேருந்து நிலையத்தில் ஓட்டுநர்களுக்கு இலவச கண் பரிசோதனை முகாம் நடைபெற்றது. முகாமை திருப்பூர் மாநகர காவல் ஆணையர் எஸ்.என்.சேஷசாய் தொடங்கி வைத்தார். துணை ஆணையர் திருநாவுக்கரசு, போக்குவரத்துப் போலீஸார் பங்கேற்றனர். இதில், அரசு, தனியார் பேருந்து, சிற்றுந்து, ஷேர் ஆட்டோ, ஆட்டோ ஓட்டுநர்கள், நடத்துநர்கள், அவர்களது குடும்பத்தினருக்கு இலவசமாகக் கண் பரிசோதனை செய்யப்பட்டது. இதில், 17 பேர் கண் அறுவை சிகிச்சைக்கும், 23 பேருக்கு கண் கண்ணாடிக்கும் பரிந்துரைக்கப்பட்டது