தேர்தல் விதிமுறை மீறல் வழக்கு: முன்னாள் சபாநாயகர் சேடப்பட்டி முத்தையா விடுதலை

தமிழகம் முழுவதும் 2011–ல் சட்டமன்ற தேர்தல் நடைபெற்றது.
திருமங்கலம் தொகுதியில் தி.மு.க. சார்பாக மணிமாறன் போட்டியிட்டார். அவருக்கு ஆதரவாக முன்னாள் சபாநாயகர் சேடபட்டி முத்தையா தலைமையில் பிரசாரம் நடைபெற்றது.
தேர்தல் பிரசாரத்தின் போது, தேர்தல் விதிமுறைகளை மீறியதாக முன்னாள் சபாநாயகர் சேடபட்டி முத்தையா, முசிசோ முருகன், முன்னாள் ஒன்றிய செயலாளர் ஆதிமூலம் உட்பட 7 பேர் மீது, திருமங்கலம் டவுன் போலீசார் வழக்குப்பதிவு செய்தனர். திருமங்கலம் மாஜிஸ்டிரேட் கோர்ட்டில் வழக்கு நடைபெற்று வந்தது.
வழக்கில் தி.மு.க. சார்பாக முன்னாள் எம்.எல்.ஏ. சாமிநாதன் ஆஜராகி, தேர்தல் விதிமுறை வழக்கு சம்பந்தப்பட்ட தேர்தல் அதிகாரி போட வேண்டும். போலீசாருக்கு அதிகாரம் கிடையாது என வாதிட்டார். வழக்கை விசாரித்த மாஜிஸ்டிரேட் பன்னீர்செல்வம், முன்னாள் சபாநாயகர் சேடபட்டி முத்தையா உட்பட 7 பேரை விடுதலை செய்து உத்தரவிட்டார்