ஏப்.24 இல் உடுமலையில் ஹாக்கி பயிற்சி முகாம் துவக்கம்

கோடை கால ஹாக்கி விளையாட்டுப் பயிற்சி முகாம் உடுமலையில் ஏப்ரல் 24ம் தேதி துவங்குகிறது.

இதுகுறித்து திருப்பூர் மாவட்ட ஹாக்கி சங்கச் செயலாளர் எம்.மோகன் விடுத்துள்ள செய்திக் குறிப்பு:

கோடை கால ஹாக்கி விளையாட்டு சிறப்புப் பயிற்சி முகாம் வரும் ஏப்ரல் 24-ம் தேதி முதல் உடுமலை நேதாஜி மைதானத்தில் நடைபெற உள்ளது. முகாமை மாவட்ட விளையாட்டு அலுவலர் ராமசுப்பிரமணியம் துவக்கி வைக்கிறார். திருப்பூர் மாவட்ட விளையாட்டு அலுவலகமும், திருப்பூர் மாவட்ட ஹாக்கி சங்கமும் இணைந்து நடத்தும் இந்த முகாமின் பயிற்சியாளர்களாக செந்தில்குமாரவேல், ராஜசேகர் ஆகியோர் நியமிக்கப்பட்டுள்ளனர்.

ஹாக்கி விளையாட்டு வீரர்கள் இந்த வாய்ப்பைப் பயன்படுத்திக் கொள்ளலாம். மேலும் விவரங்களுக்கு 99656-31046, 89252-00994 ஆகிய செல்லிடப்பேசி எண்களில் தொடர்பு கொள்ளவேண்டும்.