14 ஆண்டு கால தலைமறைவு குற்றவாளி கைது

மதுரையில் 14 ஆண்டு காலமாக தலைமறைவாக இருந்த குற்றவாளியை, போலீஸார் கைது செய்துள்ளனர்.
மதுரை அண்ணா நகர் காவல் நிலையத்தில் கடந்த 2000 ஆவது ஆண்டில் நடைபெற்ற குற்றம் தொடர்பான வழக்கில், சென்னை செங்குன்றத்தைச் சேர்ந்த கலையரசன் (39) தேடப்பட்டு வந்தார்.
நீதிமன்றம் பிடிவாரண்ட் பிறப்பித்த நிலையில், கலையரசன் தொடர்ந்து தலைமறைவாக இருந்து வந்தார்.
தனிப்படை சப்-இன்ஸ்பெக்டர் தென்னரசு (மதுரை அரசு மருத்துவமனை காவல் நிலைய சார்பு-ஆய்வாளர்) சிறப்பு சார்பு-ஆய்வாளர் பாஸ்கரன் தலைமையிலான தலைமைக் காவலர்கள் சோமு, அழகுபாண்டி ஆகியோர் கொண்ட சிறப்பு தனிப்படையினர், கே.கே. நகர் பகுதியில் கலையரசனை கைது செய்துள்ளதாகவும், அவரை மதுரை 6ஆவது நீதித்துறை நடுவர் மன்றத்தில் ஆஜர்படுத்திய பின் சிறையில் அடைத்ததாகவும், மாநகர் நுண்ணறிவுப் பிரிவு செய்திக் குறிப்பு தெரிவிக்கிறது