ரூ.27 லட்சம் மோசடி: பெண்ணுக்கு மிரட்டல் விடுத்த 6 பேர் மீது வழக்குப்பதிவு

மதுரை பசும்பொன் நகரைச் சேர்ந்தவர் யோகப் பிரியா (வயது52). இவரிடம் சென்னையை சேர்ந்த ஆண்டனி மற்றும் குணவதி, ஆரோக்கியசாமி உள்ளிட்ட 6 பேர் வெளிநாடுகளுக்கு பல்வேறு பொருட்களை ஏற்றுமதி செய்யும் நிறுவனம் நடத்துவதாக கூறி ரூ.27 லட்சம் கடனாக பெற்றனர்.
பல மாதம் ஆகியும் அந்த தொகையை அவர்கள் திருப்பி தரவில்லை. இது குறித்து யோகப்பிரியா கேட்டபோது, 6 பேரும் கொலை மிரட்டல் விடுத்ததாக தெரிகிறது.
இதுகுறித்து யோகப் பிரியா மதுரை மாநகர் குற்றப்பிரிவு போலீசில் புகார் செய்தார். போலீசார் ஆண்டனி உள்பட 6 பேர் மீதும் வழக்குப்பதிவு செய்து விசாரணை நடத்தி வருகிறார்கள்.