நில அபகரிப்பு விவகாரம்: அழகிரி தொடர்ந்த வழக்கில் 8-ம்தேதி தீர்ப்பு

நில அபகரிப்பு புகாரை ரத்து செய்யக்கோரி மு.க.அழகிரி தொடர்ந்த வழக்கில் வரும் 8-ம் தேதி தீர்ப்பு வெளியாகிறது.

மதுரை மாவட்டம் சிவரக்கோட்டையில் தயா பொறியியல் கல்லூரி உள்ளது. மு.க. அழகிரிக்கு சொந்தமான இந்த கல்லூரியை கட்டுவதற்காக இந்து சமய அறநிலையத்துறையின் 44 சென்ட் நிலம் ஆக்கிரமிக்கப்பட்டதாக புகார் கூறப்பட்டது.

அதன் அடிப்படையில் போலீசார் அழகிரி மீது நில அபகரிப்பு வழக்கு பதிவு செய்தனர். இதையொட்டி, ஐகோர்ட் கிளை உத்தரவின்பேரில் மதுரை முதலாவது மாஜிஸ்திரேட் நீதிமன்றத்தில் சமீபத்தில் சரண் அடைந்து ஜாமின் பெற்றார் அழகிரி.

அதேசமயம் தன் மீதான புகாரை ரத்து செய்யக்கோரி அழகிரி மதுரை ஐகோர்ட் கிளையில் வழக்கு தொடர்ந்திருந்தார். இரு தரப்பு வாதங்களும் முடிவடைந்ததையடுத்து தீர்ப்பு வரும் 8-ம் தேதிக்கு ஒத்தி வைக்கப்பட்டுள்ளது.