போலி பீடி விற்பனை: வியாபாரி கைது

மதுரை மாவட்டம் அலங்காநல்லூர் புறநகர் பகுதிகளில் பிரபல பீடி நிறுவன பெயரில் போலி பீடி விற்பனை செய்து வருவதாக தகவல் தெரியவந்தது. இதையடுத்து அந்த நிறுவனத்தினர் அப்பகுதியில் உள்ள கடைகளில் விசாரித்தனர். திண்டுக்கல்லில் இருந்து வாரம் ஒரு முறை பீடி விற்பனைக்கு வழங்கப்பட்டு வருவதாக தெரிவித்தனர்.
வியாழக்கிழமை வழக்கம் போல் கடைகளுக்கு பீடி சப்ளை செய்வதற்கு திண்டுக்கல் மேட்டுப்பட்டி அன்னைநகரை சேர்ந்த சலீம்ராஜா(42) என்பவர் வந்தார். தகவல் அறிந்த மதுரை மாவட்ட பீடி நிறுவன விற்பனை பிரதிநிதி ரமேஷ் மற்றும் நிர்வாக மேலாளர் திப்புசுல்தான் ஆகியோர் அவரைப் பிடித்து அலங்காநல்லூர் காவல்நிலையத்தில் ஒப்படைத்தனர். இவர்கள் கொடுத்த புகாரின் பேரில் சார்பு ஆய்வாளர் ராதாமகேஷ் வழக்குப்பதிவு செய்து சலீம்ராஜாவை கைது செய்தார். அவரிடம் இருந்த 78 போலி பீடி பண்டல்களை கைப்பற்றப்பட்டன.