ஆர்.கே.ஆர் நகரில் வீட்டின் பூட்டை உடைத்து 2 பவுன் நகை திருட்டு

தாராபுரத்தை அடுத்த ஆர்.கே.ஆர். நகரில் வசிப்பவர் நாட்ராயன். இவரது மகன் சுப்பிரமணியன் (35). இந்த நிலையில் நேற்று முன்தினம் இரவு அவரது வீட்டின் பூட்டை உடைத்து மர்ம நபர்கள் உள்ளே புகுந்தனர்.

பின்னர் வீட்டில் இருந்த ஒரு பவுன் மோதிரம் மற்றும் தங்க கம்மல் என மொத்தம் 2 பவுன் நகையை மர்ம நபர்கள் திருடிவிட்டு தப்பி சென்றதாக தெரிகிறது. திருட்டு போன நகையின் மதிப்பு ரூ.30 ஆயிரம் என்று கூறப்படுகிறது. இதுகுறித்து சுப்பிரமணியம் தாராபுரம் போலீஸ் நிலையத்தில் புகார் செய்தார். அதன்பேரில் தாராபுரம் குற்றப்பிரிவு போலீஸ் சப்–இன்ஸ்பெக்டர் மூர்த்தி வழக்குப்பதிவு செய்து விசாரணை நடத்தி வருகிறார்.