ஸ்ரீரங்கம் இடைத்தேர்தலில் வெற்றி: வாடிப்பட்டியில் அ.தி.மு.க.வினர் இனிப்பு வழங்கி கொண்டாட்டம்

மதுரை மாவட்டம் வாடிப்பட்டி பேரூர், ஒன்றிய அ.தி.மு.க.சார்பாக ஸ்ரீரங்கம் இடைத்தேர்தலில் அ.தி.மு.க. வெற்றி பெற்றதையொட்டி ஜெமினி பூங்கா முன்பு பட்டாசு வெடித்து, பொதுமக்களுக்கு இனிப்பு வழங்கி கொண்டாடினர்.
இந்த நிகழ்ச்சிக்கு பேரூர் செயலாளர் பாப்புரெட்டி தலைமை தாங்கினார். யூனியன் சேர்மன் அன்ன களஞ்சியம், துணை சேர்மன் ராஜேஷ்கண்ணா, மாவட்டத்திட்டக்குழு உறுப்பினர் கார்த்திக், ஒன்றிய பேரவை செயலாளர் ஜெயக்குமார், பேரவை பேரூர் செயலாளர் தனசேகரன், ஆகியோர் முன்னிலை வகித்தனர்.
இந்த நிகழ்ச்சியில் ஒன்றிய செயலாளர் செல்லப்பாண்டி பொதுமக்களுக்கு இனிப்பு வழங்கினார். இதில் முன்னாள் யூனியன் சேர்மன் துரைநடராஜன், முன்னாள் பேரூராட்சி துணைத்தலைவர் சோனை, ஒன்றிய கவுன்சிலர்கள் ராஜேந்திரன், செல்வம், முனியாண்டி, எம்.ஜி.ஆர். மன்ற பேரூர் செயலாளர் முத்துகண்ணன் உள்பட பலர் கலந்து கொண்டனர்.
அதேபோல் வாடிப்பட்டி பஸ்நிலையம் முன்பு அண்ணாசிலைக்கு மாலை அணிவித்து மு.காளிதாஸ் தலைமையில் பட்டாசு வெடித்து இனிப்பு வழங்கப்பட்டது.
இதில் மாவட்ட பிரதிநிதி சந்திரசேகரன், கச்சைகட்டி பாரதி, மலைச்சாமி, வீரபாகுதேவன், கோட்டை மேடுபாலன், குருசாமி, பஞ்சு, மணிமாறன், நாட்டாண்மை சின்னசாமி உள்பட பலர் கலந்து கொண்டனர்.