தமிழ்நாடு மெர்க்கன்டைல் வங்கி சார்பில் நலத்திட்ட உதவிகள்

தமிழ்நாடு மெர்க்கன்டைல் வங்கியின் சார்பில் கிறிஸ்துமஸ் மற்றும் புத்தாண்டு கொண்டாட்ட விழா மிகச் சிறப்பாக கொண்டாடப்பட்டது. 

இது குறித்து வங்கியின் வணிக வளர்ச்சித்துறை பொதுமேலாளர் வி.குணசேகரன் வெளியிட்டுள்ள செய்திக் குறிப்பு: தமிழ்நாடு மெர்க்கன்டைல் வங்கியின் சார்பில் கிறிஸ்துமஸ் மற்றும் புத்தாண்டு விழா வங்கியின் தலைமை அலுவலகத்தில் வைத்து நடைபெற்றது. விழாவிற்கு வங்கியின் நிர்வாக இயக்குநர் மற்றும் தலைமை நிர்வாக அதிகாரி எச்.எஸ்.உபேந்திர காமத் தலைமை வகித்தார். 

தூத்துக்குடி கிறிஸ்தவ விசுவாச ஐக்கிய சபை பால் ஆன்ட்ரூ கனகராஜ், சிறப்பு விருந்தினராக கலந்து கொண்டு அனைவருக்கும் கிறிஸ்துமஸ் வாழ்த்து செய்தி வழங்கி ஜெபம் செய்தார். தொடர்ந்து வங்கியின் நிர்வாக இயக்குநர் மற்றும் தலைமை நிர்வாக அதிகாரி உபேந்திர காமத், பொதுமேலாளர்கள் கந்தவேலு, தேவதாஸ், ரவீந்திரன் ஆகியோர் அனைவருக்கும் தங்களது கிறிஸ்துமஸ் மற்றும் புத்தாண்டு நல்வாழ்த்துக்களை தெரிவித்தனர்.

கிறிஸ்துமஸ் மற்றும் புத்தாண்டு கொண்டாட்ட விழாவை முன்னிட்டு, வங்கியின் சார்பில் ஏழை ஏளிய மக்கள் மற்றும் ஆதரவற்றோர் இல்லங்களில் உள்ளவர்களுக்கு இலவசமாக புதிய ஆடைகள் மற்றும் போர்வைகள் வழங்கப்பட்டன. மேலும், மாற்றுத்திறனாளிக்கு இலவச மூன்று சக்கர சைக்கிளும் வழங்கப்பட்டது. இவ்விழாவில், வங்கியின் துணை பொது மேலாளர்கள், உதவிப் பொதுமேலாளர்கள், அதிகாரிகள் மற்றும் ஊழியர்கள் அனைவரும் தங்களது குடும்பத்தினருடன் கலந்து கொண்டு விழாவை சிறப்பித்தனர்.