ரூ.6.18 லட்சத்துக்கு பருத்தி ஏலம்

அவிநாசியில் புதன்கிழமை ரூ.6.18 லட்சத்துக்குப் பருத்தி ஏலம் நடைபெற்றது.

அவிநாசி வேளாண்மை உற்பத்தியாளர்கள் கூட்டுறவு விற்பனைச் சங்கத்தில் வாரந்தோறும் பருத்தி ஏல வர்த்தகம் நடைபெற்று வருகிறது. இந்த வாரம் நடைபெற்ற ஏலத்தில் பருத்தி வரத்து குறைந்து 427 மூட்டைகள் வந்திருந்தன. இதில், ஆர்.சி.எச் ரகப் பருத்தி குவிண்டாலுக்கு ரூ.4800 முதல் ரூ.5330  வரையிலும், மட்டரகப் பருத்தி ரூ.1800 முதல் ரூ.2200 வரையிலும் ஏலம் போனது. மொத்தம் ரூ.6.18 லட்சத்துக்கு ஏலம் போனது. டி.சி.எச் ரகப்பருத்தி வரத்து இல்லை.

இந்த ஏலத்தில், பென்னாகரம்,  கிணத்துக்கடவு, கோபி, நம்பியூர்,  அன்னூர்,  திருப்பூர், பல்லடம், சேவூர், குன்னத்தூர், அவிநாசி, புளியம்பட்டி, மேட்டூர், அன்னூர் ஆகிய பகுதிகளிலிருந்து 63 பருத்தி விவசாயிகளும், கோவை, ஈரோடு பகுதியிலிருந்து 6 பருத்தி வியாபாரிகளும்  கலந்து கொண்டனர்