திருமங்கலம் அருகே விடுதி மாணவன் மாயம்: காப்பாளர் புகார்

ருமங்கலம் அருகே உள்ள கே.ஆண்டிப்பட்டியை சேர்ந்தவர் ராமுக்காளை. இவரது மகன் பச்சையாண்டி (வயது15), திருமங்கலம் தனியார் பள்ளியில் 9–ம் வகுப்பு படித்து வந்தான்.
மேலும் பள்ளி விடுதியிலேயே அவன் தங்கி படித்து வந்தான். தினமும் காலையில் எழுந்து விடுதி காப்பாளருடன், பச்சையாண்டி உடற்பயிற்சி செய்வது வழக்கம். நேற்று காலையும் அவன் பயிற்சியில் ஈடுபட்டுள்ளான்.
அதன்பின்னர் விடுதியில் வருகை பதிவேடு எடுக்கப்பட்டது. அப்போது மாணவன் பச்சையாண்டி அங்கு இல்லாதது தெரியவந்தது. பல இடங்களில் தேடியும் அவனை பற்றி எந்த தகவலும் கிடைக்கவில்லை.
இதனை தொடர்ந்து திருமங்கலம் டவுன் போலீசில் விடுதிக்காப்பாளர் மாரிமுத்து (24) புகார் செய்தார். இன்ஸ்பெக்டர் ராஜா வழக்குப்பதிவு செய்து விசாரணை நடத்தி வருகிறார்.