திருமங்கலம் அருகே திருமணம் நிச்சயிக்கப்பட்ட இளம்பெண் மாயம்

துரை அருகே கூடக்கோவில் பக்கமுள்ள சின்ன உலகாணியை சேர்ந்தவர் மகாலிங்கம். இவரது மகள் மருதாயி (வயது 22) இவருக்கு திருமண ஏற்பாடுகள் செய்யப்பட்டு வந்தது.
இதைத் தொடர்ந்து அதே பகுதியைச் சேர்ந்த ஒரு வாலிபருக்கும், மருதாயிக்கும் திருமண நிச்சயதார்த்தம் நடந்தது. வருகிற ஆவணி மாதம் 15–ந்தேதி திருமணம் நடத்தவும் பெற்றோர்கள் ஏற்பாடு செய்து வந்தனர்.
இந்த நிலையில் கடந்த 5–ந்தேதி வீட்டில் இருந்த மருதாயி திடீர் என மாயமானார். அவரை பல இடங்களில் தேடி பார்த்தும் கண்டுபிடிக்க முடியவில்லை.
இதனால் அதிர்ச்சி அடைந்த பெற்றோர் கூடக்கோவில் போலீசில் புகார் செய்தனர். போலீசார் வழக்கு பதிவு செய்து மாயமான மருதாயியை தேடி வருகிறார்கள்.