கார்கள் மோதல்: இருவர் பலி: 4 பேர் காயம்

கொட்டாம்பட்டி அருகே நான்குவழிச் சாலைத் தடுப்பை கடந்துசென்று எதிரேவந்த கார்மீது மோதியதில் இருவர் உயிரிழந்தனர். 4 பேர் காயமடைந்தனர். மதுரை பழைய விளாங்குடியைச் சேர்ந்த மீனாட்சிசுந்தரேஸ்வரன் (45) தனது குடும்பத்தினருடன் திருச்சி கோயிலுக்குச் சென்றுவிட்டு, மதுரைக்கு வெள்ளிக்கிழமை காரில் திரும்பி வந்துகொண்டிருந்தார். காரை செக்காணூரணியைச் சேர்ந்த டிரைவர் பழனியாண்டி ஓட்டிவந்தார். அப்போது மதுரையிலிருந்து திருச்சிக்குச் சென்றுகொண்டிருந்த கார், பிரான்பட்டி அருகே திடீரென கட்டுப்பாட்டை இழந்து, நான்குவழிச்சாலை நடுப்புறத் தடுப்பைத் தாண்டிச்சென்று எதிரேவந்துகொண்டிருந்த காரில் மோதியது.
இதில் மீனாட்சிசுந்தரேஸ்வரன், பழனியாண்டி இருவரும் சம்பவ இடத்திலேயே இறந்தனர். மீனாட்சிசுந்தரேஸ்வரன் மனைவி மற்றும் இரு குழந்தைகள், மதுரையிலிருந்து திருச்சி சென்ற கார் டிரைவர் மதுரை சோலை அழகுபுரத்தைச் சேர்ந்த நாகேந்திரன் உள்பட 4 பேர் லேசான காயங்களுடன் உயிர்தப்பினர். விபத்து குறித்து கொட்டாம்பட்டி போலீஸார் விசாரித்து வருகின்ற