திருச்சி ஹர்ஷமித்ரா மருத்துவமனையில், புற்றுநோய் சிகிச்சைக்கு மற்றுமோர் நவீன கருவி அறிமுகம்.

 திருச்சி ஹர்ஷமித்ரா மருத்துவமனையில்,  புற்றுநோய் சிகிச்சைக்கு மற்றுமோர் நவீன கருவி அறிமுகம்.

 ஹர்ஷமித்ரா மருத்துவமனை கடந்த 12 ஆண்டுகளாக திருச்சியில் புற்றுநோய் சிறப்பு மருத்துவமனையாக செயல்பட்டு வருகிறது. 

இம்மருத்துவமனையில் நான்கு கோணங்களில் புற்றுநோய் சிகிச்சை வழங்கப்படுகிறது.  

அவை, புற்றுநோய் தடுப்பு, புற்றுநோய் சிகிச்சை, புற்று நோய் நிவாரணம் மற்றும் புற்றுநோய் மறுவாழ்வு ஆகியவை.

 2010ஆம் ஆண்டு திருச்சி தில்லைநகர் பகுதியில் தொடங்கப்பட்ட இந்த மருத்துவமனை, பின்னர் உறையூருக்கு மாற்றப்பட்டு, தற்போது திருச்சி நாகமங்கலத்தில் புற்றுநோய்க்கான சூப்பர் ஸ்பெஷாலிட்டி மையத்தை நிறுவியுள்ளது.

ஹர்ஷமித்ரா மருத்துவமனை, திருச்சியில் புற்றுநோய் சிகிச்சையில் ட்யூமர் போர்டு என்ற கருத்தை நடைமுறைப்படுத்திய முதல் மருத்துவமனையாகும்.

 ட்யூமர் போர்டு என்பது அறுவைசிகிச்சை புற்றுநோயியல், கதிர்வீச்சு மற்றும் புற்றுநோயியல் மருந்து (கீமோதெரபி) போன்ற பல்வேறு சிறப்புகளால் அமைக்கப்பட்ட ஒரு பல்துறை குழு கூட்டம் ஆகும்.

இதன் மூலம் மூன்று சிறப்பு மருத்துவர்கள் ஒவ்வொரு நோயாளிக்கும் ஒரே இடத்தில் கலந்து ஆலோசித்து, நோயாளிக்கு அறுவை சிகிச்சை, கதிர்வீச்சு சிகிச்சை அல்லது மருந்தியல் சிகிச்சை தேவையா என்பதை தீர்மானிக்கிறார்கள்.  புற்று நோயின் நிலை மற்றும் நோயின் தீவிரம் பொருத்து இந்த கூட்டு சிகிச்சை முடிவு செய்யப்படுகிறது.

இந்த ட்யூமர் போர்டு சிகிச்சையின் மூலம், நோயாளிகளுக்கு ஒரே இடத்தில் அறுவை சிகிச்சை, கீமோதெரபி அல்லது கதிர்வீச்சு சிகிச்சை மூலம் சிகிச்சை அளிக்க முடியும்.

 "புற்றுநோய் சிகிச்சையில், கதிர்வீச்சு சிகிச்சை மிக முக்கியமான சிகிச்சை முறைகளில் ஒன்றாகும்.

 கதிரியக்க சிகிச்சையில் இரண்டு வகைகள் உள்ளன, அவை வெளிப்புற கதிர்வீச்சு மற்றும் உள் கதிர்வீச்சு என்று அழைக்கப்படுகின்றன.

 வெளிப்புற கதிர்வீச்சு முப்பரிமாண கதிர்வீச்சு, தீவிர பண்பேற்றப்பட்ட கதிர்வீச்சு, விரைவான வில் கதிர்வீச்சு போன்ற பல்வேறு நுட்பங்களில் வழங்கப்படுகிறது.

 இந்த மருத்துவமனை கடந்த 4 ஆண்டுகளாக வெளிப்புற கதிர்வீச்சின் மேம்பட்ட நுட்பங்களைப் பயன்படுத்தி பல வகையான புற்றுநோய்களுக்கு அதிக பக்க விளைவுகள் இல்லாமல் சிகிச்சை அளித்து வருகிறது.

 கதிரியக்க சிகிச்சையைப் பயன்படுத்தி, பல சூழ்நிலைகளில் அறுவை சிகிச்சையைத் தவிர்க்கலாம், மற்றும் பாதிக்கப்பட்ட உறுப்பைக் காப்பாற்றலாம்.

உதாரணமாக, சிறுநீர்ப்பை அல்லது குரல்வளையில் புற்றுநோய் இருந்தால், அந்த உறுப்புகளை வழக்கமாக அறுவை சிகிச்சை மூலம் உடலில் இருந்து அகற்ற வேண்டும்.  இது முறையே நிரந்தர சிறுநீர் மாற்று ஸ்டோமாக்கள் மற்றும் நிரந்தர சுவாச துளைகளை ஏற்படுத்தும்.  நோயாளிகள், தங்கள் உடல் உறுப்புகளில் நிரந்தரமான மாற்றங்களுடன் வாழ வேண்டியிருக்கும். மற்றும் உடலில் துளைகள் அல்லது பைகளுடன் வாழ வேண்டும்.

ஆனால் இன்றைய நவீன புற்றுநோய் மருத்துவத்தில் அறுவை சிகிச்சையின்றி கதிர்வீச்சு, கீமோதெரபி போன்றவற்றைப் பயன்படுத்தி உறுப்புகளை அகற்றாமலேயே இதுபோன்ற சிறுநீர்ப்பை மற்றும் குரல்வளை புற்றுநோய்களை முழுமையாக குணப்படுத்த முடியும்.

பல புற்றுநோய்களில் அறுவை சிகிச்சையைத் தவிர்ப்பதற்காக ரேடியோதெரபி இன்று மிகவும் மேம்பட்டதாகி வருகிறது.

 புற்றுநோய் சிகிச்சையில் கதிரியக்க சிகிச்சையின் செயல்திறனை அதிகரிக்க, ஹர்ஷமித்ரா புற்றுநோய் மையத்தில் மற்றொரு இயந்திரம் தொடங்கப்பட்டுள்ளது" என்கிறார் மருத்துவமனையின் இயக்குநரும் கதிர்வீச்சு புற்றுநோயியல் நிபுணருமான டாக்டர்.பொ.சசிப்ரியா.

மருத்துவமனையின் 13வது ஆண்டு விழாவில், திருச்சியின் முதல் 24 சேனல் பிராக்கிதெரபி கருவி 28.8.2022 அன்று அறிமுகப்படுத்தப்பட்டது.

தொடக்க விழாவிற்கு தமிழ்நாடு ஆதி திராவிடர் மற்றும் பழங்குடியினர் நலத்துறை கூடுதல் தலைமை செயலாளர், திரு. தென்காசி எஸ் ஜவஹர் ஐஏஎஸ் அவர்கள் தலைமை தாங்கினார்.

விழாவில் திரு.  M. பிரதீப் குமார், IAS., மாவட்ட ஆட்சியர்., திருச்சி, திரு.சுஜித் குமார்., IPS., காவல் கண்காணிப்பாளர், திருச்சி, திருமதி. R. அபிராமி, B.Tech.  மாவட்ட வருவாய் அலுவலர், திருச்சி, டாக்டர். ஆர். மோகன், MS.,M.Ch., FICS., தலைவர்., IMA திருச்சி கிளை., திருமதி. K. கமலம் கருப்பையா, சேர்மன்.  மணிகண்டம் ஒன்றியம், திரு.G.வெள்ளைச்சாமி, தலைவர், நாகமங்கலம் ஊராட்சி மற்றும் ஹர்ஷமித்ரா மருத்துவமனையின் மருத்துவர்கள், பிற மருத்துவமனைகளைச் சேர்ந்த மருத்துவர்கள், ஹர்ஷமித்ரா  மருத்துவமனை ஊழியர்கள், நண்பர்கள், உறவினர்கள் மற்றும் நாகமங்கலத்தைச் சேர்ந்த பொதுமக்கள் ஆகியோர் கலந்து கொண்டு சிறப்பித்தனர்.

நிர்வாக இயக்குநர் டாக்டர்.க.கோவிந்த ராஜ்வர்த்தனன் சிறப்பு விருந்தினர்களை வரவேற்றார், அவரும், பிராக்கிதெரபி பற்றி அறிமுகவுரையாற்றிய டாக்டர்.பொ.சசிப்பிரியாவும் விருந்தினர்களை கவுரவித்தனர்.

 சிறப்பு விருந்தினர்கள் கூட்டத்தில் உரையாற்றினர்.

 டாக்டர் கே.எஸ்.செந்தில்குமார் நன்றி கூறினார்.

 "பிராக்கிதெரபி சிகிச்சை முறை நாடு முழுவதும் 232 மையங்களில் பயன்படுத்தப்பட்டாலும், திருச்சியில் ஹர்ஷமித்ரா மருத்துவமனைதான் முதன்முதலில் 24 சேனல் பிராக்கிதெரபியை அறிமுகப்படுத்தியுள்ளது" என்கிறார் டாக்டர் பொ.சசிப்ரியா.

 "பிராக்கிதெரபி என்பது கதிர்வீச்சை வெளியிடும் இரிடியம் ஐசோடோப்பைப் பயன்படுத்தும் ஒரு நுட்பமாகும்.

இந்த ஐசோடோப்பு பொதுவாக எந்த கதிரியக்கமும் வெளியேறாமல் தடுக்கும் வகையில் வடிவமைக்கப்பட்ட பிராக்கிதெரபி இயந்திரத்திற்குள் பாதுகாப்பாக இருக்கும்.

சிகிச்சையின் போது, ​​இரிடியம் ஐசோடோப்பு, இந்த இயந்திரத்திலிருந்து ரிமோட் கண்ட்ரோல் மூலம் வெளியிடப்படுகிறது.  இந்த இரிடியம் ஐசோடோப்பானது, இயந்திரத்தின் 24 சேனல்கள் வழியாக,  குறிப்பாக கட்டி அமைந்துள்ள இலக்கை அடைந்து உடலில் உள்ள கட்டியை நேரடியாக தாக்குகிறது.

அறுவைசிகிச்சை இல்லாமல் பல புற்றுநோய்களில் முழுமையான சிகிச்சையை அடைவதற்கு இத்தகைய உள் கதிர்வீச்சு மிகவும் பயனுள்ளதாக இருக்கும்.

உதாரணமாக, கன்னத்தில் புற்றுநோயால் பாதிக்கப்பட்ட ஒரு நோயாளி, கட்டியின் அளவைக் குறைக்க வெளிப்புற கதிர்வீச்சு மூலம் சிகிச்சையளிக்கப்படலாம். பின்னர் மீதமுள்ள கட்டியை அகற்ற அறுவை சிகிச்சை தேவைப்படலாம்.  இது போன்ற சமயங்களில் அறுவை சிகிச்சை மூலம் முழுமையான சிகிச்சை பெற முடியும் என்றாலும், முக அமைப்பில் மாற்றம் ஏற்படும்.  மேலும் கழுத்துப் பகுதியில் உள்ள சதையை எடுத்து பிளாஸ்டிக் சர்ஜரி செய்ய வேண்டும்.

 ஆனால் ரேடியேஷன் தெரபியை ப்ராக்கிதெரபி மூலம் எஞ்சிய கட்டியின் மீது நேரடியாக அளிக்கும் போது, ​​அறுவை சிகிச்சை தேவையில்லை, முக அமைப்பில் எந்த மாற்றமும் இல்லாமல் புற்றுநோயை குணப்படுத்த முடியும்.

 உள் கதிர்வீச்சு சிகிச்சையில் பின்வரும் நான்கு வகைகள் உள்ளன:

 1. மேற்பரப்பு கதிர்வீச்சு

 2. உள் திசு கதிர்வீச்சு

 3. உள்குகை கதிர்வீச்சு

 4. இன்ட்ராலுமினல் கதிர்வீச்சு

மார்பகம், கருப்பை வாய், வாய் மற்றும் கன்னப்பகுதி, மென்மையான திசுக்கள், புரோஸ்டேட், உணவுக்குழாய் மற்றும் மலக்குடல் புற்றுநோய் போன்ற பல்வேறு வகையான புற்றுநோய்களுக்கு, இந்த உள் கதிர் வீச்சு நுட்பங்கள் பயன்படுத்தப்படுகின்றன.  பிராக்கிதெரபி சிகிச்சைக்கு, ஐந்து முதல் பத்து நிமிடங்கள் மட்டுமே ஆகும்.

குறைந்த அளவிலான கதிர்வீச்சு சிகிச்சை (எல்.டி.ஆர்) மற்றும் அதிக அளவு கதிர்வீச்சு சிகிச்சை (எச்.டி.ஆர்) எனப்படும் இரண்டு வகையான ப்ராக்கிதெரபி இயந்திரங்கள் உள்ளன.  எல்டிஆர் இயந்திரங்கள் முந்தைய காலங்களில் பயன்படுத்தப்பட்டன.  இந்த எல்.டி.ஆர் இயந்திரங்களுக்கு நீண்ட சிகிச்சை காலம் தேவைப்பட்டது. இதனால் நோயாளிகளுக்கு அதிக அசௌகரியம் ஏற்பட்டது. மேலும் நோயாளிகள் நீண்ட நேரம் தனிமைப்படுத்தப்பட்டனர்.

எனவே, சமீப காலங்களில், எச்.டி.ஆர் இயந்திரங்கள், சர்வதேச புற்றுநோய் மையங்களால் பரிந்துரைக்கப்படுகின்றன.

 இதுபோன்ற மேம்பட்ட எச்.டி.ஆர் இயந்திரத்தை எங்கள் மருத்துவமனையில் அறிமுகப்படுத்துகிறோம் என்பதை அறிவிப்பதில் பெருமிதம் கொள்கிறோம்.

இந்த இயந்திரம் மூலம் நோயாளிகள் சிகிச்சையை விரைவாக முடிக்க முடியும்.  நீண்ட தனிமைப்படுத்தல் அவசியமில்லை" என்கிறார் ஹர்ஷமித்ரா புற்றுநோய் மையத்தின் கதிர்வீச்சு புற்றுநோயியல் நிபுணர் டாக்டர். பொ.சசிப்ரியா.

 "நாகமங்கலத்தில் உள்ள எங்கள் ஹர்ஷமித்ரா மருத்துவமனையில், அரசு காப்பீட்டுத் திட்டத்தில் அனைத்து வகையான புற்றுநோய்களுக்கும் சிகிச்சை அளிக்கிறோம். 

கடந்த 12 ஆண்டுகளாக புற்றுநோயைத் தடுக்க முன்னெச்சரிக்கை மற்றும் தடுப்பு நடவடிக்கைகளை எடுத்து வருகிறோம். 

திருச்சி மலைக்கோட்டை முழுவதும் இளஞ்சிவப்பு வணன விளக்கேற்றுவது போன்ற மிகப்பெரிய பணிகளை நாங்கள் மேற்கொண்டுள்ளோம்.  மார்பக புற்றுநோய் விழிப்புணர்வுக்காக சர்வதேச அளவில் நியமிக்கப்பட்ட மாதமான 'பிங்க் அக்டோபர்' குறித்த விழிப்புணர்வை ஏற்படுத்த கடந்த மூன்று ஆண்டுகளாக ஒவ்வொரு ஆண்டும் அக்டோபரில் இளஞ்சிவப்பு விளக்குகளுடன், திருச்சி மலைக்கோட்டைய ஹர்ஷமித்ரா மருத்துவமனை மின்ன செய்துள்ளது.

புதிய தொழில்நுட்பங்கள் மற்றும் மேம்பட்ட உபகரணங்களுடன் மருத்துவத் துறை மாறிக்கொண்டே இருந்தாலும், சர்வதேச புற்றுநோய் மையங்களுக்கு இணையாக புற்றுநோய் சிகிச்சை அளிக்கப்படும் வகையில், சமீபத்திய முன்னேற்றங்களுக்கு ஏற்பவும், ஹர்ஷமித்ரா மருத்துவமனை நோக்கி வரும் மக்களுக்கு, அவற்றைக் கிடைக்கச் செய்யவும் ஹர்ஷமித்ரா மருத்துவமனை கடுமையாக பாடுபடுகிறது.

எனவே, புற்றுநோய் குறித்து இனி பயப்படத் தேவையில்லை, புற்றுநோய் குறித்த விழிப்புணர்வு மட்டுமே தேவை’’ என்கிறார் டாக்டர்.பொ.சசிப்ரியா.

புற்றுநோயின் எட்டு அறிகுறிகளை அறிந்து கொள்வது அனைவருக்கும் நல்லது என்றும் அவர் அறிவுறுத்துகிறார்.

 1. உடலில் எங்காவது ஆறாத புண்

 2.உடலில் எங்கிருந்தாவது அசாதாரண இரத்தப்போக்கு

 3.மார்பகத்திலோ அல்லது உடலில் வேறு இடத்திலோ கட்டி

 4. மரு அல்லது மச்சத்தில் மாற்றம்

 5. மலம் அல்லது சிறுநீர் கழிப்பதில் மாற்றம், அஜீரணம் அல்லது உணவை விழுங்குவதில் சிரமம்

 6.குரல் மாற்றம் அல்லது கரகரப்பு

 7. தொடர் இருமல் அல்லது இரத்தம் கலந்த சளி

 8. காரணம் இல்லாத எடை இழப்பு

 இந்த அறிகுறிகளில் ஏதேனும் இருந்தால், மக்கள் உடனடியாக புற்றுநோயியல் நிபுணரைத் தொடர்புகொண்டு தகுந்த பரிசோதனைகளை மேற்கொள்ள வேண்டும், இதனால் புற்றுநோயை ஆரம்ப நிலையிலேயே கண்டறிந்து முழுமையாக குணப்படுத்த முடியும்.

மேலும் எந்த தொந்தரவும் இல்லாதவர்கள் கூட ஆண்டு தோறும் பரிசோதனைகளை மேற்கொண்டு புற்று நோய் வருவதற்கு முந்தைய நிலையிலேயே கண்டு பிடித்து புற்று நோய் வராமலேயே தடுத்துக்கொள்ளும் வகையில், ஸ்கிரீனிங் பரிசோதனைகளையும் செய்து கொள்ள வேண்டும்.

Read More

திருச்சி குடமுருட்டி படித்துறை அங்காளம்மன் கோவிலில் ராகு தோஷ நிவர்த்தி கல் பிரதிஷ்டை

 படித்துறை அங்காளம்மன் கோவிலில் ராகு தோஷ நிவர்த்தி பிரதிஷ்டை

திருச்சி குடமுருட்டி பாலம் அருகே அமைந்துள்ள அய்யாளம்மன் கோயிலின் அருகே  காவேரி கரையில் அங்காளம்மன் கோயில் உள்ளது

இந்தக் கோயில் பல நூறு ஆண்டுகளுக்கு முன்பே அமைந்துள்ள கோயில் என்பது குறிப்பிடத்தக்கது இந்த கோயிலில் அந்த ஊர் பொதுமக்கள் படித்துறை அருகே அமைந்துள்ளது படித்துறை அங்காளம்மன் என்று கூறுவது வழக்கம் அப்படி சிறப்பு வாய்ந்த கோவிலில் இன்று ராகுவின் திரு உருவம் ஆன பாம்பின் வடிவில் ஹிந்து முறைப்படி மந்திரங்கள் ஜெபிக்கப்பட்டு கல் பிரதிஷ்டை செய்யப்பட்டது

மேலும் இந்தக் கோயிலில் காவல் தெய்வங்கள் மதுரை வீரன் சங்கிலிக்கருப்பு பைரவர் விநாயகர் அம்மனின் திருவுருவங்கள் போன்ற சிறப்பம்சங்களை கொண்ட கோயிலில்

பிரதிஷ்டை செய்யப்பட்ட பாம்பின் உருவம் கொண்ட ராகு தோஷ நிவர்த்தி கல்லுக்கு படையல் போடப்பட்டு பொதுமக்களுக்கு பொங்கல் வழங்கப்பட்டது

இந்நிகழ்ச்சியில் ஊர் பொதுமக்கள் பல ஊர்களில் இருந்து வந்த ஆண்கள் ,பெண்கள் சமூக இடைவெளியை கடைபிடிக்கப்பட்டு அரசு விதிகளை பின்பற்றி கலந்து கொண்டனர்.

Read More

திருச்சி பொதுநல வழக்கறிஞர் வேங்கை ராஜா மாண்புமிகு நீதிபதி சந்திப்பு

 கடலுர் மாவட்ட முன்னாள் நீதிபதி மாண்புமிகு. வைத்தியநாதன் அவர்கள் !!! திருச்சி பொதுநல வழக்கறிஞர் வேங்கை ராஜா அவர்களின் அலுவலகத்திற்கு வருகை!!!

 பொதுநல வழக்கறிஞர் திரு. வேங்கை ராஜா அவர்கள் மாண்புமிகு நீதிபதி அவர்களுக்கு சால்வை அணிவித்து மகிழ்ச்சியுடன் வரவேற்றார்.

பின்னர் மாண்புமிகு. நீதிபதி அவர்கள் வழக்கறிஞர் அலுவலகத்திற்கு வருகைபுரிந்து வழக்கறிஞருடன் பொதுநலவழக்குகள் குறித்தும் பொதுநல வழக்குகள் தொடுப்பவர்களுக்கு அவர்களின் பாதுகாப்பு குறித்த என்ன என்ன பாதுகாப்பு உள்ளது என்பதனை வலியுறுத்தியும் ஆலோசனை நடத்தப்பட்டது. பிறகு இயற்கை வளங்களைக் காப்பது குறித்தும் இயற்கை வளங்களை குறித்த விழிப்புணர்வு ஏற்படுத்தவும் மூலிகைகளைப் பற்றி பொதுமக்களுக்கு விரிவாக புரியும் வண்ணம் எடுத்துரைப்பது பற்றியும், பொதுமக்களின் பாதுகாப்பு ஆலோசனைகள் நடத்தப்பட்டது.

மேலும்  பொது நலன் பாதுகாப்பு பொதுமக்களின் பாதுகாப்பு இயற்கை வளங்களின் பாதுகாப்பு குறித்த ஆலோசனைகள் மற்றும் விளக்கங்கள் மாண்புமிகு நீதிபதி அவர்களால் ஆலோசனை வழங்கப்பட்டது

Read More

திருச்சியில் மதிமுக பொதுச் செயலாளருக்கு உற்சாக வரவேற்பு

 மதிமுக பொதுச்செயலாளர் வைகோவுக்கு திருச்சியில் உற்சாக வரவேற்பு உற்சாகத்தில் ஆயிரக்கணக்கான தொண்டர்கள் குவிந்தனர்

மறுமலர்ச்சி திராவிட முன்னேற்ற கழகத்தின் பொதுச்செயலாளர்  வைகோ தஞ்சாவூர் செல்வதற்காக திருச்சி வருகை தந்தார்.

ஒருங்கிணைந்த திருச்சி மாவட்டக் கழகங்களின் சார்பில், திருச்சி - மதுரைசாலை சாரநாதன் பொறியியல் கல்லூரி  அருகில் வரவேற்பு  கொடுக்கப்பட்டது. நீண்ட இடைவெளிக்குப் பின்பு, நம் தலைவரின் திருமுகம் காண ஏராளமானோர் குவிந்தனர்

 இந்நிகழ்வில்,திருச்சி ஒருங்கிணைந்த மாவட்டத்தின் சார்பாக, வெல்லமண்டி இரா.சோமு, திருச்சி மாநகர் மாவட்டச் செயலாளர் டி.டி.சி.சேரன்,திருச்சி வடக்கு மாவட்டச் செயலாளர்மணவை தமிழ்மாணிக்கம்,திருச்சி தெற்கு மாவட்டச் செயலாளர்,மாநில மகளிர் அணி செயலாளர் மருத்துவர்   ரொஹையா  ஷேக் முகமது தலைவரின் நேர்முக உதவியாளர் அடைக்கலம் , மைக்கேல் ராஜ் அரசியல் ஆய்வு உறுப்பினர் பாலுச்சாமி தெற்கு மாவட்ட அவைத்தலைவர்

மற்றும்திருச்சி மாவட்டத்திற்கு உள்பட்ட மாநில, மாவட்ட ,ஒன்றிய,நகர நிர்வாகிகள்,திருச்சி மாநகர பகுதிக்கழக நிர்வாகிகள் மற்றும் நிர்வாகிகள் - தொண்டர்கள்  அணிகளின் நிர்வாகிகள் ஆகியோர் பங்கேற்றனர்.

Read More

திருச்சி சமூக ஆர்வலர் வழக்கறிஞர் வேங்கை ராஜா பிறந்தநாள் விழா

 பொது நல வழக்கறிஞர் வேங்கை ராஜாவின் பிறந்த நாள் எளிமையான முறையில் கொண்டாடப்பட்டது

பொதுநல வழக்கறிஞரும் சமூக ஆர்வலருமான ஆர் வேங்கை ராஜாவின் பிறந்த நாள் 29 ம் தேதி நேற்று மாலை கொண்டாடப்பட்டது. 

இந்த பிறந்தநாள் நிகழ்ச்சி திருச்சி பீமநகர் பகுதியில் உள்ள அலுவலகத்தில் நடைபெற்றது 

இதில் பல்வேறு சமூக ஆர்வலர்கள் அலுவலக பணியாளர்கள் மற்றும் நண்பர்கள் அனைவரும் கலந்துகொண்டு கேக் வெட்டி கொண்டாடினர். 

இதில் பொதுநல வழக்கறிஞர்  வேங்கை ராஜாவிற்கு சால்வை அணிவித்தும் மலர் மாலை அணிவித்தும் மகிழ்ச்சியுடன் நண்பர்கள் உறவினர்கள் சமூக ஆர்வலர்கள் வாழ்த்துக்களை தெரிவித்துக் கொண்டனர் 

தனது பிறந்தநாளுக்கு நேரிலும் தொலைபேசி மூலமும் வாழ்த்து தெரிவித்த அனைத்து அன்பு உள்ளங்களுக்கும் தனது நெஞ்சார்ந்த நன்றியை தெரிவித்துக் கொள்வதாக அவர் கூறினார் இந்த பிறந்தநாள் விழா எளிமையான முறையில் கொண்டாடப்பட்டது எனவும் கூறினார்

Read More

திருச்சியில் சமுதாய வளைகாப்பு

 திருச்சி பெட்டவாய்த்தலை செல்லும் வழியே உள்ளே தனியார் திருமண மண்டபத்தில் தமிழக முதல்வரின் வழிகாட்டுதலின்படி சமுதாய வளைகாப்பு ஸ்ரீரங்கம் சட்டமன்ற உறுப்பினர் பழனியாண்டி அவர்கள் தலைமையில் குழந்தை வளர்ச்சித் திட்ட அலுவலர் கோகிலா கோபாலன் அவர்கள் ஏற்பாட்டில் சமுதாய வளைகாப்பு நிகழ்ச்சி நடைபெற்றது

இந்நிகழ்ச்சியில்  அந்தநல்லூர் ஒன்றிய குழுத்தலைவர் துரைராஜ் முன்னிலை வகித்தார்.

திருச்சி ஸ்ரீரங்கம் சட்டமன்ற உறுப்பினர் பழனியாண்டி அவர்கள் கூறுகையில் தமிழக முதல்வரின் வழிகாட்டுதலின்படி அனைவருக்கும் வளைகாப்பு  ஜாதி மதம் பேதமின்றி அனைத்து சமுதாய கர்ப்பிணி பெண்களுக்கும் அரசு சார்பில் வளைகாப்பு நிகழ்ச்சி தொடர்ச்சியாக நடைபெற்று வருகிறது மேலும் கர்ப்பிணி பெண்கள் ஊட்டச்சத்து மிக்க உணவு பொருட்களை உட்கொள்ள வேண்டும்

 மாமிசங்களை அதிக அளவு உட்கொள்ளக்கூடாது நடைப்பயிற்சி மேற்கொள்ள வேண்டும் கர்ப்பிணி பெண்களுக்கு தேவையான அரசு சம்பந்தப்பட்ட அனைத்து உதவிகளையும் எப்பொழுது தங்களுக்கு தேவைப்பட்டாலும் உடனடியாக செய்து தரப்படும் என்று தெரிவித்தார் கர்ப்பிணி பெண்களுக்கு தேவையான உதவிகளை குழந்தை வளர்ச்சி திட்ட அலுவலகம் அணுகி பயன் பெற்றுக் கொள்ள வேண்டும் என்றும் அனைத்து பெண்களுக்கும் சுகப்பிரசவம் பிரசவிக்க வேண்டி இறைவனை பிரார்த்திக்கிறேன் என்று திருமண மண்டபம் கர்ப்பிணி பெண்களுக்கு என்று கேட்டவுடன் இலவசமாக அனுமதி அளித்த திருமண மண்ட உரிமையாளருக்கும் நன்றி தெரிவித்தார்

Read More

சமத்துவ மக்கள் கட்சியினர் அண்ணா சிலைக்கு மாலை அணிவிப்பு

 பேரறிஞர் அண்ணாவின் 113-வது பிறந்தநாளை முன்னிட்டு சமத்துவ மக்கள் கட்சியின் சார்பில் மேற்கு மாவட்ட செயலாளர்டி. குணசேகரன் தலைமையில் மாலை அணிவித்து மரியாதை செலுத்தப்பட்டது.

இதில் தெற்கு மாவட்ட செயலாளர் ஆர்பி.சந்திரசேகரன் கிழக்கு மாவட்ட பொறுப்பாளர் சின்னதுரை வடக்கு மாவட்ட செயலாளர் கே.எஸ்.அலெக்சாண்டர் ஆகியோர் முன்னிலை வகித்தனர் .

நிகழ்ச்சியில் மேற்கு மாவட்ட துணைச் செயலாளர் சுருளி என்கிற நீலகண்டன், மதுரை பாண்டியன், மணிகண்டம் ஒன்றிய நிர்வாகிகள் ஜோதி பாண்டியன் ,மாயி பாலு ,வினோத் மண்ணச்சநல்லூர் ஒன்றியசெயலாளர் பாட்ஷா கணேசன், மாரியப்பன், ஈச்சம்பட்டி போஜன், மண்ணச்சநல்லூர் பழனியாண்டி,ஜோசப், உள்ளிட்டோர் கலந்து கொண்டனர்.

Read More

தமிழ்நாடு அனைத்து துறை ஓய்வூதியர் சங்கங்களின் கூட்டமைப்பு சார்பாக ஆர்ப்பாட்டம்

 தமிழ்நாடு அனைத்து துறை ஓய்வூதியர் சங்கத்தின் தமிழ்நாடு அனைத்து துறை ஓய்வூதியர் சங்கங்களின் கூட்டமைப்பு சார்பாக ஆர்ப்பாட்டம் 

தமிழ்நாடு அரசுத் துறையின் ஓய்வூதியர் சங்கங்களின் கூட்டமைப்பு சார்பில் மாவட்ட ஆட்சியர் அலுவலகம் அருகில் கூட்டமைப்பு மாவட்டத் தலைவர் மொ.சிராஜூதீன், தலைமையில் நடைபெற்றது

1/01/2020 ஜனவரி முதல் வழங்க வேண்டிய 11% அகவிலைப்படியை மத்திய அரசு வழங்கியவாறு 1/7/2021 முதல் வழங்குதல் 

2015 நவம்பர் முதல்நாளதுவரை வழங்க வேண்டியபஞ்சப்படி நிலுவையை போக்குவரத்து ஓய்வுதியர்க்கு தாமதமின்றி வழங்க வேண்டும் மருத்துவ காப்பீட்டுத் திட்டத்தை போக்குவரத்து ஓய்வூதியர்க்கு அமல் படுத்த வேண்டும் மாநில அரசு ஓய்வூதியர் மின்வாரிய ஓய்வூதியர்க்கு மாவட்ட ஆட்சியரால் பரிந்துரைக்கப்படும் செலவுத் தொகை முழுவதையும் காப்பீட்டு நிறுவனம் வழங்குவதையும் மருத்துவ காப்பீட்டு திட்டதில் உள்ள இடர்பாடுகளை நீக்குவதற்கும் நடவடிக்கை எடுத்திட வேண்டும் உள்ளிட்ட கோரிக்கைகளை வலியுறுத்தி ஆர்ப்பாட்டம் நடைபெற்றது இந்த ஆர்ப்பாட்டத்தில் செந்தமிழ்செல்வன், சண்முகம், கிருஷ்ணன், பஷீர், டெரன்ஸ், உள்ளிட்டோர் ஆண்கள் பெண்கள் கலந்து கொண்டனர்

Read More

திருச்சிராப்பள்ளி மாவட்டம் நடத்திய தேசிய ஊட்டச்சத்து மாதம் கோவிட் நோய்த்தடுப்பு நிகழ்ச்சி

 திருச்சி இந்திய அரசு மக்கள் தொடர்பு கள அலுவலகம் தகவல் மற்றும் ஒளிபரப்பு அமைச்சகம் திருச்சிராப்பள்ளி திருச்சிராப்பள்ளி கரூர் பெரம்பலூர் மற்றும் அரியலூர் மாவட்டங்கள் மற்றும் ஒருங்கிணைந்த குழந்தை வளர்ச்சித் திட்டம் அந்தநல்லூர் திருச்சி மாவட்டம் ஊராட்சி ஒன்றிய அலுவலகம் அந்தநல்லூர் திருச்சிராப்பள்ளி மாவட்டம் அரசு ஆரம்ப சுகாதார நிலையம் குழுமணி திருச்சிராப்பள்ளி மாவட்டம் நடத்திய தேசிய ஊட்டச்சத்து மாதம் கோவிட் நோய்த்தடுப்பு மற்றும் 75வது சுதந்திர ஆண்டு விழா கொண்டாட்டம் சிறப்பு விழிப்புணர்வு நிகழ்ச்சி நடைபெற்றது

நடைபெற்ற நிகழ்ச்சியில் விழிப்புணர்வு பிரச்சார வாகனத்தை ஒன்றிய குழுத்தலைவர் அந்தநல்லூர் ஊராட்சி ஒன்றியம் துரைராஜ் கள விளம்பர அலுவலர் இந்திய அரசு மக்கள் தொடர்பு கள அலுவலகம் திருச்சிராப்பள்ளி தேவி பத்மநாபன் ஆதிசிவன் ஊராட்சி மன்ற தலைவர் முத்தரசநல்லூர் ஆகியோர் கொடியசைத்து தொடங்கி வைத்தனர்

இந்நிகழ்ச்சியில் ஊராட்சி மன்ற தலைவர் ஆதிசிவன் கூறுகையில் சத்துணவு பெற்று வரும் குழந்தைகளுக்கு வாழைப்பழம் சிப்ஸ்  போன்றவைகள் சத்துணவில் கொடுக்கப்பட்டால் விவசாயிகளின் பிரச்சினை இன்று இரவு குழந்தைகளுக்கு சத்தான உணவு கிடைத்தது போல் இருக்கும் என்று தெரிவித்த முதல்வரிடம் கூறவேண்டும் தெரிவித்தார்

ஒன்றியக் குழுத் தலைவர் அந்தநல்லூர் ஊராட்சி மன்ற தலைவர் கூறுகையில் தமிழக முதலமைச்சர் சத்துணவு பெரும் குழந்தைகளுக்கு வாழைப்பழம் அவசியம் என்று முதல்வர் அவர்கள் தமிழகத்தில் பதவி ஏற்ற பிறகு குழந்தைகளுக்கு சத்துணவு வாழைப்பழம் அவசியம் என்று தெரிவித்துள்ளார் என்று கூறினார்

இந்நிகழ்ச்சியில் ரவிச்சந்திரன் கள விளம்பர உதவியாளர் இந்திய அரசு மக்கள் தொடர்பு கள அலுவலகம் திருச்சிராப்பள்ளி அவர்கள் வரவேற்புரை ஆற்றினார் தேவி பத்மநாபன் கள விளம்பர அலுவலர் இந்திய அரசு மக்கள் தொடர்புகளை அலுவலகம் திருச்சிராப்பள்ளி நோக்க வரை ஆற்றினார் துரைராஜ் ஒன்றிய குழுத்தலைவர் அந்தநல்லூர் ஊராட்சி ஒன்றியம் தலைமை வகித்தார் ஆதிசிவன் ஊராட்சி மன்ற தலைவர் முத்தரசநல்லூர் ஊராட்சி அந்தநல்லூர் ஊராட்சி ஒன்றியம் முன்னிலை வகித்தார் 

மருத்துவர் சுப்பிரமணி துணை இயக்குனர் சுகாதாரப்பணிகள் திருச்சிராப்பள்ளி மாவட்டம் லியோ பீமாராவ் வட்டார மருத்துவ அலுவலர் அரசு ஆரம்ப சுகாதார நிலையம் குழுமணி திருமதி சகுந்தலா வட்டார வளர்ச்சி அலுவலர் அந்தநல்லூர் ஊராட்சி ஒன்றியம் திருமதி புவனேஸ்வரி மாவட்ட திட்ட அலுவலர் ஒருங்கிணைந்த குழந்தை வளர்ச்சித் திட்டம் திருச்சிராப்பள்ளி மாவட்டம் சீனிவாசன் வட்டார வளர்ச்சி அலுவலர் அந்தநல்லூர் ஊராட்சி ஒன்றியம் திருமதி கோகிலா குழந்தை வளர்ச்சி திட்ட அலுவலர், ஒருங்கிணைந்த குழந்தை வளர்ச்சித் திட்டம், அந்தநல்லூர் ஆகியோர் சிறப்புரை ஆற்றினர் சுரேஷ் கண்ணன் ஊராட்சி செயலாளர் முத்தரசன் ஊராட்சி அந்தநல்லூர் ஊராட்சி ஒன்றியம் நன்றி உரையாற்றினார்

Read More

பெண் காவலருக்கு நீதி கிடைக்க வேண்டும் தவ்ஹீத் சுல்தானா விற்கு நீதி கிடைக்கவில்லை தமிழ்நாடு தவ்ஹீத் ஜமாத்

 திருச்சி டெல்லியில் பெண் காவலர் கூட்டு பாலியல் பலாத்காரம் செய்து கொல்லப்பட்டதை கண்டித்து தமிழ்நாடு தவ்ஹீத் ஜமாத்தினர்  கண்டன ஆர்ப்பாட்டம்.

தமிழ்நாடு தவ்ஹீத் ஜமாத்தின் சார்பில் 

டெல்லியில் காவலர் சபியா கொல்லப்பட்டதைக் கண்டித்து கண்டன ஆர்ப்பாட்டம் தமிழகம் முழுவதும் நடைபெற்று வருகிறது. இதன் ஒரு பகுதியாக திருச்சி பாலக்கரை ரவுண்டானா பகுதியில்

திருச்சி மாவட்ட தலைவர் குலாம்ரசூல் தலைமையில் கண்டன ஆர்ப்பாட்டம்

நடைபெற்றது.

 கடந்த ஒரு வாரத்திற்க்கு முன்பு டெல்லியில் பெண் காவலர் சபியா சமூக விரோதிகளால் கூட்டு பாலியல் வன்கொடுமை செய்யப்பட்டு அவரின் உடல் உறுப்புகளை வெட்டியெறிந்த கயவர்களை கைது செய்ய வலியுறுத்தியும் உள்துறை அமைச்சர் அமித் ஷா பதவி விலக கோரியும் 

சபியா கொலை வழக்கை சி.பி.ஐ.விசாரிக்கவும் வலியுறுத்தி ஆர்ப்பாட்டத்தில் கோஷமிட்டனர்.

இந்த ஆர்ப்பாட்டத்தில் 300க்கு மேற்பட்ட கலந்து கொண்டனர்.

சில ஆண்டுகளுக்கு முன்பு இறந்த பள்ளி மாணவி தவ்பீக் சுல்தானா பற்றி கேட்டதற்கு பேட்டியளித்த

பேச்சாளர் ஜமாத்உஸ்மாயின்  அவர்கள் என்னவென்று தெரியாமலே திகைத்து நின்றார்அருகில் இருந்த மாவட்டத் தலைவர் குலாம் முஹம்மத் கூறுகையில் எத்தனையோ முறைகள் நாங்கள் கேட்டோம் இன்றும் தவ்ஹீத் சுல்தானா அதற்கு முறையாக நீதி கிடைக்கவில்லை என்று தெரிவித்தார் தமிழகத்தில் திருச்சியில் சிறுமியை தவ்ஹீத் சுல்தானா கொலை வழக்கு தமிழகத்தையே திரும்பிப்பார்க்க செய்தது இன்றும் யாராலும் மறக்க முடியாது என்பது குறிப்பிடத்தக்கது

பேட்டி : 

ஜமாத்உஸ்மாயின்

பேச்சாளர்

Read More

தமிழ திருச்சி டாஸ்மாக் பணியாளர் சங்கம் சார்பில் கவனஈர்ப்பு போராட்டம்

 திருச்சி மாவட்ட ஆட்சியர் அலுவலகம் அருகே தமிழ்நாடு அரசு டாஸ்மாக் பணியாளர் சங்கம் சார்பில் 18- ஆண்டுகளாக தொகுப்பு ஊதியத்தில் பணியாற்றும்27ஆயிரம்  பணியாளர்களுக்கு பணி நிரந்தரம் காலமுறை ஊதியம் வழங்கிடவும் குறைந்தபட்ச ஊதியம்  மற்றும் ஓய்வூதியம் வழங்கி வரும் உபரி பணியாளர்களை அரசு மற்றும் அரசுத்துறை நிறுவனங்களில் உள்ள காலி பணியிடங்களில் பணியமர்த்தும் ஏபிசி சுழற்சி முறை பணியிடமாறுதல வரவேண்டும் கொரோனாவால் உயிரிழந்த பணியாளருக்கு நிவாரண நிதி மற்றும் அவர்களின் வாரிசுகளுக்கு அரசு பணி வழங்கிடவும் சிறு சிறு தவறுக்காக ஆண்டுக்கணக்கில் மதுபான கிடங்குகளில் பணியாற்றும் பணியாளர்களை உடனடியாக கடை பணியில் அமர்த்திடவும் பல்வேறு காரணங்களினால் பணியின்றி ஆண்டு கணக்கில் உள்ள பணியாளர்கள் பணி வழங்கிடவும் பல மாவட்டங்களில் மேலாண்மை இயக்குநரின் உத்தரவை மதிக்காமல் முறைகேடான நடவடிக்கையில் ஈடுபடும் மாவட்ட மேலாளர் மீது கடும் நடவடிக்கை எடுக்க  வலியுறுத்தியும் உள்ளிட்ட 20 அம்ச கோரிக்கைகளை நடப்பு சட்டமன்றக் கூட்டத் தொடரிலேயே தமிழக அரசு நிறைவேற்ற வலியுறுத்தி 5 மாவட்ட மண்டலங்களை சேர்ந்த நிர்வாகிகளின் கவன ஈர்ப்பு ஆர்ப்பாட்டம் நடைபெற்றது .

 இந்த ஆர்ப்பாட்டத்தில் மாநிலத் தலைவர் சரவணன் தலைமை வகித்தார்.  மாநில துணைத் தலைவர்கள் ராமலிங்கம் ,கோவிந்தராஜன் , மாநில செயலாளர்கள்கல்யாணசுந்தரம் ,முருகானந்தம் கா.இளங்கோவன் ,இரா.இளங்கோவன் ஆகியோர் முன்னிலை வகித்தனர். இந்த ஆர்ப்பாட்டத்தில் தமிழ்நாடு அரசு பணியாளர்கள் சங்கம்மாநிலத் தலைவர்பி.கே. சிவக்குமார் கலந்து கொண்டு சிறப்புரையாற்றினார்.இதில்  நூற்றுக்கும் மேற்பட்ட பணியாளர்கள் ஆர்ப்பாட்டத்தில் ஈடுபட்டனர் .

Read More

திருச்சி மதிமுக சார்பில் கண்டன ஆர்ப்பாட்டம்

 *காவிரியின் குறுக்கே மேகதாதுவில் அணைகட்டும் கர்நாடகா அரசைக் கண்டித்து துவாக்குடியில் மதிமுக கண்டன ஆர்ப்பாட்டம்*

திருச்சி தெற்கு மாவட்ட மறுமலர்ச்சி திமுக சார்பில் இன்று, துவாக்குடியில் மேகதாதுவில் அணை கட்டும் கர்நாடகா அரசையும், துணை போகும் ஒன்றிய அரசையும் கண்டித்து மாநில விவசாய அணிச்செயலாளர் புலவர் க.முருகேசன் தலைமையில் நடந்தது.

ஆர்ப்பாட்டத்தை விளக்கி தெற்கு மாவட்டச் செயலாளர் மணவை தமிழ்மாணிக்கம் பேசினார்.

இதனைத் தொடர்ந்து காவிரியின் குறுக்கே அணை கட்டும் கர்நாடகா அரசையும், ஒன்றிய மோடி அரசையும் கண்டித்து கட்சியினர் முழக்கம் எழுப்பினார்கள்.

இந்த ஆர்ப்பாட்டத்தில் துவாக்குடி நகரச்செயலாளர் மோகன் பெரியகருப்பன், பேராசிரியர் தி.நெடுஞ்செழியன், மாவட்ட அவைத்தலைவர் எம்.ஆர்.பாலுசாமி, மாவட்டப் பொருளாளர் வைகோ பழனிச்சாமி, மாவட்ட துணைச்செயலாளர்கள் ராஜன் பன்னீர்செல்வம், புஸ்பா சுப்பிரமணியன், வைகோ சுப்பு, ஒன்றியச் செயலாளர்கள் மணிகண்டம் எம்.தங்கவேலு, திருவெறும்பூர் மு.திருமாவளவன், சி.பீட்டர், கூத்தைப்பார் பேரூர் செயலாளர் எம்.ஏ.சரவணன், அந்தநல்லூர் சுரேஸ், மணப்பாறை ப.சுப்ரமணியன், மணப்பாறை நகரச்செயலாளர் எம்.கே.முத்துப்பாண்டி, மருங்காபுரி வடக்கு ஒன்றியச் செயலாளர் எஸ்.தர்மராஜ், தீர்மானக்குழு உறுப்பினர் மேட்டுக்கடை பொ.சண்முகம், தலைமை செயற்குழு உறுப்பினர்கள் மிசா சாக்ரடீஸ், எஸ்.பி.சாமிநாதன்,  பொதுக்குழு உறுப்பினர் ஆ.மகுடீஸ்வரன், மாவட்ட இளைஞர் அணி அமைப்பாளர் ஏ.ஜெ.பீட்டர், மாவட்ட மாணவர் அணி அமைப்பாளர் சாத்தனூர் ஆ.முகேஸ், மாவட்ட மகளிர் அணி அமைப்பாளர் ந.ரேணுகாதேவி, மவட்ட மகளிர் அணி துணை அமைப்பாளர்கள் பாத்திமா, வளர்மதி, நகர மகளிர் அணி அமைப்பாளர் மணிமேகலை, மாவட்ட தொண்டர் அணி அமைப்பாளர் ஆர்.ராமன், முனியசாமி, சரவணக்குமார், துரை.கண்ணன், கார்த்திக், ரவி மற்றும் பலர் கலந்து கொண்டனர்.

Read More

திருச்சி கிழக்கு சட்டமன்ற பராமரிப்பு பணிகள் குறித்த ஆலோசனை கூட்டம் இனிகோ இருதயராஜ் தலைமையில் நடைபெற்றது

 திருச்சிராப்பள்ளி கிழக்கு சட்டமன்ற தொகுதிக்குட்பட்ட பகுதிகளில் மழைக்காலம் வருவதை முன்னிட்டு மழைநீர் மற்றும் கழிவு நீர் வடிகால் வாய்க்கால்கள் சீரமைக்கும் பணி, சாலை பராமரிப்பு மற்றும் தொகுதியின் வளர்ச்சி பணிகள் குறித்து ஆலோசனைக்கூட்டம் அரியமங்கலம் கோட்ட அலுவலகத்தில் இன்று நடந்தது. 

நடைபெற்ற கூட்டத்தில் கிழக்கு சட்டமன்ற உறுப்பினர் இனிகோ இருதயராஜ் கலந்து கொண்டு பேசும்போது, தொகுதியில் நான் மேற்கொண்ட ஆய்வுகளின்படியும் பொதுமக்கள் கொடுத்த கோரிக்கைகளின் படியும் தொகுதிக்குட்பட்ட வார்டுகளில் உள்ள குறைகளை போக்கிட வேண்டும் என என்னுடன் ஆய்வுகளின் போது கலந்துகொண்ட அதிகாரிகளிடம் முறையிட்டும்  வலியுறுத்தி கேட்டு கொண்டும், ஒரு சில பணிகளைத் தவிர பல பணிகள் செய்யாமல் இருப்பதை அவர்களின் கவனத்திற்கு கொண்டு சென்று மக்கள் பணிகளில் அலட்சியம் காட்டாமல் கிழக்கு தொகுதியை தமிழ்நாட்டின் முதன்மை தொகுதியாக மாற்றிட தேவையான சுகாதார நடவடிக்கைகளை துரிதகதியில் செயல்படுத்த வேண்டும் என்று கேட்டுக்கொண்டார் 

 இந்த ஆலோசனை கூட்டத்தில் நகர பொறியாளர், செயற்பொறியாளர் உதவி ஆணையர்கள், உதவி செயற்பொறியாளர்கள், இளநிலை பொறியாளர்கள் மற்றும் அலுவலர்கள் கலந்து கொண்டனர்.

Read More

திருச்சி மலைக்கோட்டை பகுதி சட்டமன்ற உறுப்பினர் இனிகோ இருதயராஜ் ஆய்வு

 திருச்சி கிழக்கு தொகுதி மலைக்கோட்டை பகுதி 9 வது வார்டு ஆய்வின் தொடர்ச்சியாக வார் டுக்கு உட்பட்ட அனைத்து இடங்களிலும் கழிவுநீர் கால்வாய்கள் மற்றும்  சுகாதாரப் பணிகளை மேற் கொண்டு மின் வசதி மற்றும் அடிப்படை கட்டமைப்புகளை உயர்த்திட வேண்டுமென அதிகாரிகளை கேட்டுக் கொண்டார். 

ஒடத்தெரு காவிரி பாலம் பகுதியில் உள்ள இளைஞர்கள் கைப்பந்து திடல் அமைத்து தருமாறு விடுத்த கோரிக்கையை பரிசீலிப்பதாக கூறினார். அந்தோணியார் கோவில் தெருவில் கழிப்பறை வசதி கேட்டு பொதுமக்கள் விடுத்த கோரிக்கையை என்னுடன் ஆய்வுக்கு வந்திருந்த அதிகாரிகளிடம் தெரிவித்து அதற்கு ஆவன செய்யுமாறு கேட்டு கொண்டார். இந்த ஆய்வுகளின் போது  பகுதி கழக செயலாளர் திரு.மதிவாணன், வட்ட கழக செயலாளர் திரு. சண்முகம், கழக  நிர்வாகிகள் ஜம்புலிங்கம் கணேசன், நவம், செபாஸ்டின், கந்தன், சக்திவேல், பரிமாணம், மோகன், தீனதயாளன், குமார், அணி நிர்வாகிகள் மகேஷ்வரன், ஜெய் ஆகாஷ், முத்து தீபக், தினேஷ் மற்றும் கழக தோழர்கள்  பொதுமக்கள் உடன் இருந்தனர்.

Read More

ஓவியர்களுக்கு நல வாரியம் அமைக்க அமைச்சரிடம் மனு

 

தமிழகத்தில் பெயிண்ட் மற்றும் ஓவிய தொழில் பார்ப்பவர்களுக்கு தனி நல வாரியம் அமைத்து தர வேண்டும் என தமிழக பள்ளிக்கல்வித் துறை அமைச்சர் அன்பில் மகேஷ் இடம் திருவெறும்பூரில் நடந்த கோவை பெய்ண்டர்கள் மற்றும் ஓவியர்கள் சங்க முதலாமாண்டு துவக்க விழாவில் கோரிக்கை வைத்தனர்.

விழாவிற்கு மாநில தலைவர் சதுரகிரி அலி தலைமை வகித்தார்.மாநிலச் செயலாளர் சித்திக் மாவட்ட துணை தலைவர் உதயகுமார் ஆகியோர் முன்னிலை வகித்தனர்.

இதில் சிறப்பு விருந்தினராக கொண்ட தமிழக பள்ளிக் கல்வித் துறை அமைச்சர்  அன்பில் மகேஷ் பொய்யாமொழியிடம்

 மாநில பெய்ண்டர்களுக்கு,தனி நலவாரியம் அமைத்து தரவேண்டும்.என்று கோரிக்கை மனுவை வழங்கினார்கள்  மனுவை பெற்றுக்கொண்ட அன்பில் மகேஷ் பொய்யாமொழி இது குறித்து முதல்வரிடம் எடுத்து கூறி நடவடிக்கை எடுக்கப்பதாக உறுதி கூறினார்.

மேலும் பெய்ண்டர்கள் மற்றும் ஓவியர்கள் தான் அரசியல்வாதிகளை அழகாக வரைந்து மக்களிடம் கொண்டு சென்று சேர்ப்பதாகவும் கூறினார்.

இந்த விழாவில் பெயிண்டர் கள் மற்றும் ஓவியர்கள் சங்கத்தை சேர்ந்த நிர்வாகிகளும் தொண்டர்களும் கலந்து கொண்டனர்.

Read More

திருச்சி நல்லாட்சி விருது பெற்ற ஆசிரியை அமைச்சரை சந்தித்து வாழ்த்து பெற்றார்

  நல்லாசிரியர் விருது பெற்ற ஆசிரியை மாண்புமிகு பள்ளிக்கல்வித்துறை அமைச்சர் அன்பில் மகேஷ் பொய்யாமொழி அவர்களை சந்தித்து வாழ்த்து பெற்றார்

              திருச்சி மாவட்டம், மணிகண்டம் ஒன்றியம், பிராட்டியூர் ஊராட்சி ஒன்றிய நடுநிலைப் பள்ளி தலைமை ஆசிரியர் திருமதி -க. ஆஷாதேவி  20 21 ஆம் ஆண்டுக்கான தேசிய நல்லாசிரியர் விருதுக்கு தேர்வு செய்யப்பட்டுள்ளார்.அவர் மாண்புமிகு பள்ளிக்கல்வித் துறை அமைச்சர் அன்பில் மகேஸ் பொய்யாமொழி அவர்களை சந்தித்து வாழ்த்துப் பெற்றார் ‌.

இந்நிகழ்வின் போது திருச்சிராப்பள்ளமாவட்ட முதன்மை கல்வி அலுவலர் திரு.பாலமுரளி அவர்கள் மற்றும் மணிகண்டம் ஒன்றிய வட்டாரக்கல்வி அலுவலர் திரு. மருதநாயகம் ஆகியோர் உடன் இருந்தனர்

Read More

திருச்சி விடுதலை சிறுத்தைகள் கட்சித் தலைவர் திருமாவளவனுக்கு பாராட்டு விழா

 திருமாவளவனுக்கு மக்கள் சமூக நீதி பேரவை சார்பில் பாராட்டு விழா திருச்சி கலைஞர் அறிவாலயத்தில் நடைபெற்றது.

பெரியார் மண் மீட்ட தமிழ் மானப் போராளி தொல்.திருமாவளவனுக்கு மக்கள் சமூக நீதி பேரவை சார்பில் பாராட்டு விழா திருச்சி கலைஞர் அறிவாலயத்தில் இன்று ஆகஸ்ட் 21 நடைபெற்றது. இவ்விழாவில்  பெரியார் மண் மீட்ட தமிழ் மானப் போராளி என்ற விருது வழங்கப்பட்டது. மேலும் சிறப்பு விருந்தினராக நகர்ப்புற வளர்ச்சித் துறை அமைச்சர் கே.என்.நேரு இந்திய கம்யூனிஸ்ட் கட்சியின் மாநிலச் செயலாளர் முத்தரசன் உள்ளிட்டோர் கலந்து கொண்டனர்.

சமூக நீதி பேரவை சார்பில் திருமாவளவன் , நகர்புற வளர்ச்சி துறை அமைச்சர் கே என் நேரு,  இந்திய கம்யூனிஸ்ட் கட்சியின் மாநிலச் செயலாளர் முத்தரசன் ஆகியோருக்கு  பரிவட்டம் கட்டப்பட்டு மரியாதை செலுத்தினர். 

Read More

திருச்சி நூலகர் தின விழாவில் அமைச்சர் பேட்டி

 செப்டம்பர் 1ஆம் தேதி பள்ளிகள் திறப்பதற்கு எல்லா ஏற்பாடுகளையும் தொடர்ந்து செய்து வருகிறோம் - சத்திரம் பேருந்து நிலையம் அருகே அமைச்சர் பேட்டி.

திருச்சிமாவட்ட மைய நூலக வாசகர் வட்டத்தின் சார்பாக   மாவட்ட மைய நூலகத்தில்  நூலகர் தின விழா மாவட்ட ஆட்சித்தலைவர் சிவராசு தலைமையில் விழா இன்று ஆகஸ்ட் 21 நடைபெற்றது இவ்விழாவில் பள்ளிக்கல்வித்துறை அமைச்சர்  மகேஸ்  பொய்யாமொழி  நூலகர்களையும்,  நன்கொடையாளர்களையும் சிறப்பித்து விழாப் பேருரையாற்றினார்.   

செய்தியாளர்களை சந்தித்த பள்ளிக்கல்வித்துறை அமைச்சர் அன்பில் மகேஷ் பொய்யாமொழி பேசுகையில் ...

தற்போது வரை செப்டம்பர் 1ம் தேதி பள்ளிகள் திறப்பதற்கான ஏற்பாடுகளை செய்து வருகிறோம் - அதற்கான வழிகாட்டு நெறிமுறைகளை வெளியிட்டு பணிகளை  மேற்கொண்டு வருகிறோம்.

மாஸ்க் அணிவது,கிருமி நாசினி பயன்படுத்துவது,குழந்தைகளை எப்படி இடைவேளை விட்டு அமர வைக்க வேண்டும் போன்ற முன் ஏற்பாடுகளை மேற்கொண்டு வருகிறோம்.

பொது சுகாதர துறையிடமும் ஆலோசனைகள் கேட்டுள்ளோம்,அவர்கள் கூடுதலாக ஆலோசனைகள் வழங்கினார்கள் என்றால் அதையும் நாங்கள் கடைபிடிக்க உள்ளோம்.

9,10,11,12 மாணவர்களுக்கு செப்டம்பர் 1ஆம் தேதி பள்ளிகள் திறப்பதற்கு எல்லா ஏற்பாடுகளையும் தொடர்ந்து செய்து வருகிறோம்.

ஆசிரியர்கள் எவ்வளவு பேர் தடுப்பூசிகள் செலுத்தி உள்ளனர் என்ற விபரங்களை பெற்று வருகிறோம்.

அரசு பள்ளியில் மாணவர் சேர்க்கைக்கு தகுந்தார் போல் ஆசிரியர்கள் கூடுதலாக நியமனம் செய்ய நடவடிக்கைகள் எடுக்கப்படும்.

150 மாணவர்கள் அமர்ந்து படித்து வந்த வகுப்பறையில் தற்போது 350 மாணவர்கள் சேர்ந்துள்ளனர் என்கிற செய்தி எல்லாம் வந்து உள்ளது எனவே மாணவர்கள் சேர்க்கைக்கு தகுந்தார்போல் பள்ளியின் கட்டமைப்பை கண்டிப்பாக மேம்படுத்துவோம் என கூறினார்.

Read More

திருச்சி மாவட்ட ஆட்சித்தலைவர் ஆய்வு

 திருச்சி இ.ஆர். மேல்நிலைப்பள்ளியில் மாணவர்களுக்கான எழுத்துத் தேர்வை ஆட்சியர் ஆய்வு செய்தார்.

திருச்சிராப்பள்ளி இ.ஆர். மேல்நிலைப்பள்ளியில், திருச்சிராப்பள்ளி மாவட்டத்தில் உள்ள அரசு மேல்நிலைப் பள்ளிகளில் பதினொன்றாம் வகுப்பில் கணிதம் மற்றும் அறிவியல் பயிலும் மாணவர்கள் திருச்சிராப்பள்ளி என்.ஐ.டி.யில்  சேருவதற்கு அடிப்படையான  ஜே.இ.இ. தேர்வு எழுதுவதற்கான சிறப்புப் பயிற்சி  வழங்கப்படுவதற்காக,தேர்ந்தெடுக்கப்படவுள்ள  மாணவர்களுக்கான எழுத்துத் தேர்வு நடைபெறுவதை மாவட்ட ஆட்சித்தலைவர் சிவராசு இன்று ஆகஸ்ட் 21 பார்வையிட்டார்.

Read More

திருச்சி 100 நாள் சாதனை பிரசுரம் வழங்கிய அமைச்சர்

  திராவிட முன்னேற்றக் கழக ஆட்சியின் 100 நாள் சாதனை விளக்க துண்டுப் பிரசுரங்களை வழங்கினார்

               திருச்சி தெற்கு மாவட்ட தி மு க வின் சார்பாக திருச்சி கிழக்கு தொகுதி மலைக்கோட்டை பகுதி சத்திரம் பேருந்து நிலைய பகுதியில் தமிழகத்தில் நடைபெற்று கொண்டிருக்கக்கூடிய தி.மு.க  தலைவர் மு க ஸ்டாலின் அவர்கள் தலைமையிலான ஆட்சியின் 100 நாள் சாதனை விளக்கி  துண்டுப் பிரசுரத்தை,மாண்புமிகு.பள்ளிக்கல்வித்துறை அமைச்சர் திருச்சி தெற்கு மாவட்ட கழக பொறுப்பாளர் அன்பில் மகேஷ் பொய்யாமொழி அவர்கள்  சத்திரம் பேருந்து நிலையம் முதல் வி. என் நகர் பகுதி வரை நடந்து சென்று பொதுமக்களையும் வியாபாரிகள் மற்றும் பேருந்துக்காக நின்று கொண்டிருந்த பயணிகளை  சந்தித்து துண்டுப் பிரசுரங்களை வழங்கினர் நிறைவேற்றப்பட்ட சாதனைகள்

கொரோனா விற்கான நிவாரண நிதியாக ரூபாய் 4 ஆயிரம் வழங்கப்பட்டது

மகளிருக்கு விலையில்லா பேருந்து பயண திட்டத்தை அறிவித்தது

பத்திரிக்கை ஊடகவியல்லாளர்களை முன்களப்பணியாளர்கள் அறிவித்தது

அனைத்து ஜாதியினரையும் அர்ச்சகர்களாக பணி அமர்த்த பட்டது

செவிலியர்கள் மற்றும் தூய்மைப் பணியாளர்கள்  ஊடகவியலாளர்களுக்கு நிவாரணத்தொகை அறிவித்தது

 இப்படி நூற்றுக்கு மேற்பட்ட நூறுநாள் சாதனைகளை நிறைவேற்றிய திமுக அரசின் சாதனைகளை மக்களிடம் எடுத்துக்கூறி துண்டு பிரசுரங்களை வழங்கினார்   மாண்புமிகு பள்ளிக்கல்வித்துறை அமைச்சர் அன்பில் மகேஷ் பொய்யாமொழி அவர்கள்

  இந்நிகழ்வில் தலைமை செயற்குழு உறுப்பினர் கே என் சேகரன் கிழக்குத் தொகுதி சட்டமன்ற உறுப்பினர், இனிகோ இருதயராஜ் ,மாவட்ட பொருளாளர்,என் கோவிந்தராஜன்,வண்ணை அரங்கநாதன் ,மலைக்கோட்டை பகுதி கழக செயலாளர் மதிவாணன் பாலக்கரை பகுதி கழக செயலாளர் ராஜசேகர் மற்றும் மாவட்ட  பகுதி  கிளை கழகங்களின் நிர்வாகிகள் அணிகளின் அமைப்பாளர்கள் பெரும் திரளாக கலந்து கொண்டனர்

Read More